POP 5

Lajmet më të lexuara të 5 minutave të fundit

Kultura

Ish-kamp burgu i Spaçit, debati në prezantimin e Planit të Menaxhimit: Pse Muzeu në autostradë?! Hartuesit: Kështu ndodh edhe jashtë shtetit!

Pronësia e ish-kamp burgut të Spaçit do t’i kalojë Ministrisë së Ekonomisë e Kulturës, ndërsa menaxhimi indirekt një fondacioni të themeluar po nga ajo. Dëgjesa publike e mbajtur për të diskutuar draftplanin e menaxhimit të ish kamp-burgut të Spaçit, u shoqërua me debate për ngritjen e muzeut në autostradë në Mirditë. Autori i projektit të ish kamp burgut, kërkoi ngritjen e tij brenda në Spaç si dhe kthimin e vendit muzeal në origjinal.

Një plan menaxhimi me kosto totale për 5 vitet e parë 4 230 800 euro, që kërkon së pari të parandalojë përkeqësimin, e më tej ta bëj të aksesueshëm si zonë muzeale, simbolin e kujtesës të mizorisë të regjimit komunist, ish-kamp burgun e Spaçit, monument kulture të kategorisë së II-të. Këtë pati në fokus, dëgjesa publike e kësaj të enjteje, me të pranishëm, përfaqësues të Ministrisë së Ekonomisë, Kulturës dhe Inovacionit, fondacionit italian “Santagata” për ekonominë e Kulturës që ka përgatitur draftin, të organizatës “Trashëgimia Kulturore pa kufij”.

Ish burgu i Spaçit, si pronë e  një kompanie private pritet t’i kalojë Ministrisë së Ekonomisë, Kulturës dhe Inovacionit. Po kjo e fundit do të jetë themeluese e Fondacionit, që propozohet të ndjekë menaxhimin indirekt.

Ç’ka ngjalli polemika në dëgjesën publike ishte ngritja e muzeut autonom me person juridik privat për ish-kamp burgun, por larg tij, në autostradën e Bashkisë së Mirditës. Sipas hartuesve kjo ka si shkas kryesor, kushtet e vështira infrastukturore dhe është model i aplikuar dhe jashtë.

“Ne bëmë një krahasim me një numër të madh rastesh qendrash të burgosurish përreth botës , dhe asnjë muze i tyre nuk është brenda në zonë. Shumë prej tyre janë në qendrat e qyteteve, në qendrat e mëdha. Të tjera në qytete të vogla, apo në zona më të largëta, si rasti i kampeve të përqendrimit në Poloni”, shprehet Giulia Avanza.   (fondacioni “Santagata”)

 Por, hartuesi i projektit të ish-kamp burgut Bujar Ferra, së bashku me të tjerë të pranishëm, pretendojnë se kjo heq kërshërinë e vizitorëve, për të shkuar më pas në Spaç.

Gjatë takimit, Ferra pretendoi gjithashtu rikthimin në origjinal të kësaj pike të trashëgimisë kulturore, me pamjen e barakave të llamarinës e dërrasave, që kishte në 1968-ën kur u hap. Për këtë sipas tij duhen shfrytëzuar arkivat, me fotografitë e dëshmitë që përcillen.

Sa i përket ndrojtjes, veçmas të të ish burgosurve, për neglizhencën e aspektit të Spaçit, si kamp pune, hartuesit e projektit sollën në vëmendje dialogun me pronarët që kanë në koncension galeritë, sipas tyre jo të sigurta, për të lejuar aksesin e vizitorëve.

Nga vitet 1930 deri në vitet 1960, siti ishte një minierë aktive për nxjerrjen e bakrit dhe piritit. Në prill të vitit 1968, Reparti i Riedukimit 303 i krijuar në vitin 1951 dhe e shfrytëzuar më parë si repart shëtitës pune për punime të ndryshme ndërtimi në Shqipëri, u vendos në Spaç, një zonë e largët që kombinonte funksionet e burgut dhe të kampit të punës së detyruar në minierë.

/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15