Ish-kancelari gjermane dhe miku i Putinit: Shpresa për një armëpushim mes Rusisë dhe Ukrainës

"Rusia dëshiron një 'zgjidhje të negociuar' për luftën në Ukrainë", deklaroi ish-kancelari gjerman Gerhard Schroeder.

Schroeder është një mik i presidentit rus Vladimir Putin. Ai tha po ashtu se marrëveshja e muajit të kaluar për dërgesat e grurit mund të jetë një hap më afër armëpushimit mes dy vendeve.

“Lajmi i mirë është se Kremlini dëshiron një zgjidhje të negociuar”, tha Schroeder për të përjavshmen "Stern" dhe transmetuesit RTL/ntv, duke thënë se ai ishte takuar me Putinin në Moskë javën e kaluar.

LEXO EDHE:
Lufta në Ukrainë/ Të shtëna mes ushtarëve ukrainas, 3 të vdekur dhe 4 të plagosur! Holanda dhe Danimarka: 14 tanke të reja në Kiev

"Një sukses i parë është marrëveshja e grurit, ndoshta që mund të zgjerohet ngadalë në një armëpushim.", tha ish-kancelari.

Në fillim të kësaj jave, anija e parë që transportonte grurë ukrainas në botë që nga pushtimi u largua nga porti i Odesa-s pas një marrëveshjeje të ndërmjetësuar nga Turqia dhe OKB-ja. Ish-udhëheqësi gjerman ka kritikuar luftën në Ukrainë, por ka refuzuar të dënojë zotin Putin, të cilin ai ende e konsideron një mik të ngushtë të tijin. Ai është kritikuar ashpër në Gjermani për qëndrimin e tij dhe i është hequr e drejta për pasur një zyrë të financuar nga publiku.

Lajmi kryesor:

Lufta/ Anija e parë me grurë nga Odessa arrin në Stamboll! Ish-kancelari gjerman: Shpresa për një armëpushim mes Rusisë dhe Ukrainës

S.C/Shqiptarja.com

TAG:
• lufta ne ukraine
• rusia sulmon ukrainen