Ish-kancelari i Austrisë akuzohet për dëshmi të rreme në komision parlamentar

Ish-kancelari i Austrisë, Sebastian Kurz, është akuzuar për dhënien e një dëshmi të rreme në një komision parlamentar. Kurz i cili dha dorëheqjen në vitin 2021, u akuzua se kishte mashtruar komitetin kur u pyet për emërimet në kompaninë shtetërore.

Nëse shpallet fajtor, ish-kreu i Partisë Popullore mund të burgoset për tre vite, raporton BBC. Kurz i mohoi akuzat në një deklaratë të postuar në mediat sociale, duke i quajtur ato "të pabaza".

“Ne presim që e vërteta më në fund të dalë në dritë dhe akuzat të rezultojnë të pabaza në gjykatë”, shkroi ai në Twitter.

LEXO EDHE:
VIDEO/ Rrëzim dramatik për çiklistin, përplas kokën me shtyllën! Kaska i shpëton jetën

Akuzat lidhen me përgjigjet që Kurz dha gjatë seancave dëgjimore të komisionit në vitet 2020 dhe 2021, ku ai minimizoi rolin e tij në emërimin e kreut të kompanisë shtetërore Holding, Obag.

Ai i mohoi akuzat në atë kohë, duke akuzuar komitetin se ata po përpiqeshin të thonin deklarata të tjera gjë që ai nuk i kishte thënë.

Gjyqi i tij do të fillojë më 18 tetor dhe pritet të zgjasë tre ditë, thanë prokurorët. Po ashtu edhe ish-shefi i tij i kabinetit, Bernhard Bonelli, përballet me të njëjtat akuza.

Kurz dha dorëheqjen në tetor të vitit 2021, pasi u shfaqën akuza se fondet e ministrisë së financave ishin përdorur për të manipuluar sondazhet e opinionit në favor të partisë së tij (OVP) që më pas u botuan në një gazetë.

Në atë kohë ai i quajti "të pabaza" akuzat ndaj tij. Që nga largimi i detyrës, ai ka punuar si strateg global për investitorin e teknologjisë Thiel Capital.

S.S/Shqiptarja.com

TAG:
• austri
• Sebastian Kurz