Ish-oficeri i lartë rus rrëfen fakte nga lufta në Ukrainë: Më quajnë tradhtar! Shumë ukrainas janë torturuar! Ushtarët shpesh ishin të uritur

Një oficer i lartë rus, që tashmë konsiderohet si tradhtar dhe dhe dezertor nga Moska ka bërë të ditur fakte ngjethëse nga lufta në Ukrainë. Në një intervistë për BBC, Konstantin Yefremov deklaroi se shumë ukrainas, ushtarë apo civilë në jug të Ukrainës janë torturuar për ditë më radhë dhe madje janë kërcënuar me përdhunim. Ai tha se kishte tentuar disa herë të jepte dorëheqjen dhe të largohej nga luftimet në ukrainë, por kërkesa e tij ishte refuzuar.  

Përmes fotove dhe dokumenteve ushtarake Yefremov, tregoi fakte të saj që kishte ndodhur në fillimet e luftës në Ukrainë, në rajonin e Zaporizhzhias dhe qytetin e  Melitopol.

Ai ka mbërritur në zonën e Krimesë në 10 shkurt të vitit të kaluar, një zonë e aneksuar nga Rusia në 2014. Ai thotë se në atë kohë askush nuk e besonte se do të kishte një luftë, dhe gjithkush mendonte se kjo ishte thjesht një trillim.

 “Jam i sigurt se shumë oficerë të lartë rusë, nuk ishin në dijeni se do niste lufta në Ukrainë”, tha ai në rrëfimin e tij.

Ish oficeri tha se shumicën e kohës ushtarët rusë ishin të uritur, dhe për të mbijetuar filluan të gjuanin kafshë të egra në natyrë.  Yefremov tha se ushtarët rusë vodhën e grabitën gjithçka. Ai më tej deklaroi se nuk kishte të bënte me këtë dhe vendosi të tërhiqej.

“Unë shkova të komandanti im dhe i tregova pozitën time. Ai më dërgoi te një oficer i lartë që më thirri tradhtar. Unë lashë pistoletën time dhe me një taksi u largova. Pas kësaj nga komanda ime më morën në telefon dhe më kërcënuan se rrezikoja 10 vjet burg për dezertim”, tha ish oficeri i lartë rus.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri