POP 5

Lajmet më të lexuara të 5 minutave të fundit

Politikë

Ish-presidenti Alfred Moisiu feston 95-vjetorin! Urimi i Begajt: Model frymëzimi, keni dhënë kontribute të çmuara për Shqipërinë

 Ish-presidenti i Shqipërisë, Alfred Moisiu, feston sot 95-vjetorin e lindjes. Në këtë ditë të shënuar, Presidenti Bajram Begaj, ka shprehur një urim dhe të veçantë për ish-kreun e shtetit, duke vlerësuar rolin dhe kontributin e tij në historinë e Shqipërisë.

Ish-presidenti Alfred Moisiu feston 95-vjetorin! Urimi i Begajt: Model frymëzimi, keni dhënë kontribute të çmuara për Shqipërinë

Alfred Moisiu dhe Bajram Begaj

TIRANË-  Ish-presidenti i Shqipërisë, Alfred Moisiu, feston sot 95-vjetorin e lindjes. Në këtë ditë të shënuar, Presidenti Bajram Begaj, ka shprehur një urim dhe të veçantë për ish-kreun e shtetit, duke vlerësuar rolin dhe kontributin e tij në historinë e Shqipërisë.

Në mesazhin e tij, Presidenti Begaj e cilëson Moisiun si një personalitet të spikatur dhe simbol të përkushtimit ndaj atdheut. Ai vlerëson angazhimin e Moisiut që nga rreshtimi në radhët e Ushtrisë Nacional-Çlirimtare në adoleshencë deri në kontributet e tij si President, duke theksuar urtësinë, ekuilibrin dhe frymën përbashkuese që e ka shoqëruar çdo hap të tij.

“I dashur President Moisiu,

Kam kënaqësinë e veçantë që, me rastin e ngjarjes së gëzueshme të 95-vjetorit të datëlindjes Suaj, të bashkohem me familjarët, miqtë dhe dashamirësit Tuaj të shumtë për t'iu transmetuar urimet e mia më të përzemërta për shëndet të plotë, jetë të gjatë dhe aktive.

Në rrugëtimin historik të shtetit shqiptar, Ju, i nderuar President Moisiu, keni dhënë kontribute të shumta e të çmuara, për të cilat populli shqiptar Ju vlerëson me konsideratë të lartë.

Në moshën e adoleshencës Ju u rreshtuat në radhët e Ushtrisë Nacional-Çlirimtare të Shqipërisë, për t'u përfshirë më pas në angazhime të rëndësishme dhe përgjegjësi shumë të larta, duke kulmuar me postin e Presidentit të vendit.

Në çdo hap që keni hedhur, Ju keni shkëlqyer!

Ju kontribuuat me përgjegjësi gjatë ushtrimit të detyrës së Kreut të Shtetit, veçanërisht në kohë zhvillimesh të vështira, por edhe me urtësi, ekuilibër dhe frymë përbashkuese në konsolidimin e demokracisë, shtetit të së drejtës, parimit të të drejtave dhe lirive themelore, si dhe forcimit të imazhit ndërkombëtar të Shqipërisë.

Në këtë jubile mjaft të veçantë, të cilin ju e keni arritur me shumë përkushtim, punë të palodhur e atdhetari shembullore, duke u bërë model frymëzues për autoritetet shtetërore dhe politike shqiptare, është kënaqësi për mua t'Ju drejtohem me urimet më të përzemërta.”

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 02/12/2024 02:11

    Z.Moisiu,do ju uroja sic behet zakonisht,/edhe 100/,por ju do t'i arrini e do t'i kaloni,keshtu qe po ju urojme ditelindjen dhe infinit! Suksese,shendet dhe gjithe te mirat ne jete!

    Përgjigju
  • Populli: 01/12/2024 09:19

    I vetmi president qe ngriti lart vlerat e shtetit.. Rrespekte

    Përgjigju
  • Sondazhi i ditës:
    2 Dhjetor, 11:38

    Buxheti 2025, a duhet pranuar amendamenti i PD-së për minimumin jetik?

Lajme të tjera



×

Lajmi i fundit

Sot ndizen dritat e festave në Tiranë, Veliaj takon artistët që do të këndojnë në koncert: Festimet do të zgjasin deri në orët e para të mëngjesit

Sot ndizen dritat e festave në Tiranë, Veliaj takon artistët që do të këndojnë në koncert: Festimet do të zgjasin deri në orët e para të mëngjesit

2 Dhjetor, 15:19