Ishte me familjen për pushime në Radhimë, doktori nga Korça ndërron jetë në shezlong

Ishte me familjen për pushime në Radhimë, doktori nga Korça ndërron jetë në shezlong

Kujtim Shabani, mjeku që ndërroi jetë

Ndërron jetë në shezlong mjeku nga Korça, gjatë kohës që ka qenë me pushime me familjen ne plazhin e Radhimës në Vlorë. Përgjegjësi i Shërbimit të Urgjencës në Spitalin Rajonal të Korçës, Kujtim Shabani, 49 vjeç, është gjetur pa shenja jetë i shtrirë në shezlong, ndërsa mendohet se ka humbur jetën për shkaqe natyrale. Atij i është dhënë ndihma e parë pas mbërritjes së ambulancës por për të ka qenë tepër vonë.

Shabani kishte ardhur nga Korça për të kaluar pushimet, por fatkeqësisht ka ndërruar jetë rreth mesditës së sotme. Me gjithë ndërhyrjen e shpejtë të bluzave të bardha ka qenë e pamundur të mbahej në jetë mjeku Kujtim Shabani, njeriu human i cili prej shumë vitesh ju ka shërbyer qytetarëve korccarë dhe jo vetëm. Prej gati dy vitesh mjeku Kujtim Shabani ka trajtuar me profesionalizëm qindra e qindra qytetarë të juglindjes së vendit të infektuar me Covid-19. Falë aftësisë dhe trajtimit që mjeku ju ka bërë pacientëve me COVID shumë prej tyre gëzojnë  shëndet të plotë.

Rendit zhvillimet sipas orarit:
Ora 17:54
Ndërroi jetë në shezlong, Manastirliu mesazh ngushëllimi për mjekun: Doktor Kujtimi mbajti peshë të madhe në pandemi

Ministrja e Shëndetësisë Ogerta Manastriliu ka shprehur ngushëllimet për ndarjen e parakohshme nga jeta të mjekut nga Korça, Kujtim Shabanit, i cili humbi jetën sot në plazhin e Radhimës, në Vlorë. Nëpërmjet një njoftimi në Facebook, ministrja thotë se mjeku Shabani ka mbajtur peshën më të madhe në këtë pandemi, në Urgjencën e Spitalit të Korçës, në shërbim ditë-natë për pacientët.

‘Ndarja e parakohshme nga jeta e dr. Kujtim Shabanit, mjekut të përkushtuar të Spitalit Rajonal të Korçës, është një humbje e madhe për familjen, për qytetarët e Korçës të cilëve u shërbeu me devotshmëri dhe për sistemin tonë shëndetësor.

Dr. Kujtimi ka mbajtur peshën e madhe në këtë pandemi në Urgjencën e Spitalit të Korçës, në shërbim ditë-natë për pacientët.

Humbja e tij lë pas një boshllëk të pazëvendësueshëm për familjen dhe qytetin e tij! U prehsh në paqe doktor Kujtimi!’- shkruan Manastirliu.

 

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet