Ishte vjedhur në Itali dhe më pas i kishin falsifikuar letrat në Shqipëri, sekuestrohet makina luksoze

Një makinë e cila ishte e vjedhur në Itali është sekuestruar në Kosovë. Policia e Kosovës bën me dije se dje rreth orës 13:00, nga Shqipëria për në Kosovë, ka ardhur vetura Land Rover me targa të Shqipërisë, të cilin e drejtonte shtetasi i Shqipërisë me inicialet  U.R. 30 vjeç. Vetura është përzgjedhur për kontroll në vijën e dytë.

Gjatë kontrollimit të veturë dhe numrit identifikues të veturës, është dyshuar se vetura është raportuar e vjedhur. Policia e Kosovës në bashkëpunim me Policinë e FRONTEX, ka bërë verifikim të detajuar të automjetit dhe pas një pune hetimore dhe verifikimeve të kryera, ka rezultuar se ky automjet është raportuar i vjedhur në Itali, në vitin 2021.

Më pas dyshohet se i janë falsifikuar dokumentet e automjetit dhe i njëjti është ri–regjistruar në Shqipëri. Në lidhje me rastin është njoftuar Prokurori i Shtetit  pranë P.Th Prizren, i cili ka urdhëruar që të iniciohet rasti dhe vetura të sekuestrohet. Lënda për hetim i dorëzohet njësitit së autokrimeve për hetime dhe procedim të mëtejmë.

Makina e sekuestruar

M.Q./Shqiptarja.com

TAG:
• itali
• kosove