POP 5

Lajmet më të lexuara të 5 minutave të fundit

Bota

Ishujt Bahama, rreth 2.500 të zhdukur nga uragani 'Dorian'

Autoritetet e Ishujve Bahama deklaruan të mërkurën se rreth 2.500 persona janë të regjistruar si të zhdukur pas goditjes shkatërruese të uraganit “Dorian”.

Ishujt Bahama, rreth 2.500 të zhdukur nga uragani 'Dorian'

Kjo shifër zyrtare u njoftua gjatë një konference për media nga zëdhënësi i Agjencisë Kombëtare të Menaxhimit të Emergjencave, Carl Smith.

Ai paralajmëroi se lista e të zhdukurve është ende duke u përpunuar, sepse duhet të kontrollohen regjistrat qeveritar të individëve që kanë arritur të mbërrijnë në vendstrehime, si dhe njerëz të tjerë që janë evakuuar.

Operacionet e kërkim-shpëtimit vazhdojnë prej më shumë se një jave pasi “Dorian” goditi Bahamat si një uragan i kategorisë së pestë.

Ndërkohë numri i viktimave është rritur në 50 persona, sipas zyrtarëve, të cilët paralajmërojnë të shqetësuar se bilanci ka gjasa të rëndohet ndjeshëm duke marrë parasysh se nuk dihet fati i shumë njerëzve.

“Janë rreth 2.500 persona për të cilët nuk kemi informacione. Disa prej tyre mund të jenë në vendstrehime dhe numri mund të ulet pasi të përfundojnë verifikimet e nevojshme”, theksoi Smith.

Sipas tij, 5.000 persona janë evakuuar deri më tani prej dy ishujve më të prekur nga uragani dhe rreth 7.000 të tjerë presin të evakuohen.

Nga ana tjetër, koordinatori i Ndihmave Emergjente të OKB-së, Mark Lowcock, i cili realizoi një vizitë në Bahama dhe inspektoi zonat e shkatërruara nga uragani, bëri me dije se 70.000 persona në këtë vend kanë nevojë urgjente për ushqim, ujë të pijshëm dhe të tjera ndihma humanitare.

Uragani “Dorian”, më i madhi që ka goditur rajonin ndonjëherë, shkaktoi dëme kolosale dhe la të pastrehë mijëra njerëz në Bahama.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça