Ishulli i Osumit, Rama: Fonde për
transformimin e pikave turistike

Ishulli i Osumit, Rama: Fonde për<br />transformimin e pikave turistike
Kryeministri Edi Rama deklaron se qeveria ka hedhur fonde për transformimin e pikave turistike si Berati, nga ku ka prezantuar çeljen e konkursit për projektimin e ishullit në lumin Osum.

Sipas Ramës, ishulli bashkë me të gjitha vlerat e trashëgimisë kulturore të Beratit, do të jenë një burim i jashtëzakonshëm të ardhurash.

Ai e ka cilësuar ishullin si një projekt që nuk ka të bëjë vetëm me zbukurimin e qytetit, por me përmirësimin e infrastrukturës dhe nivelit të jetesës në këtë qytet.

Rama e vuri theksin te transformimi i Berati brënda 18 muajve të qeverisjes së majtë, duke u ndalur te përfundimi i rrugëve lidhëse të Beratit me qytetet e tjera. Në 8 vitet e qeverisjes së djathtë, sipas Ramës, Berati u la në harresë totale edhe pse është thesar i çmuar i trashëgimisë kulturore.

 “Qyteti i një e mbi një dritareve u izolua nga pjesa tjetër e vendit për shkak të rrugëve të amortizuara, çka solli dhe rritjen e varfërisë në këtë qytet
Por tashmë gjërat kanë ndryshuar. Në 18 muaj qeverisje të majtë Berati ka nisur rrugëtimin e saj drejt rilindjes, drejt transformimit total. Rrugët lidhëse të Beratit me qytetet e tjera janë thuajse të përfunduara dhe qendra e Beratit është duke u transformuar”, tha Rama

Duke folur edhe për rëndësinë e zgjedhjeve lokale të 21 Qershorit, Rama tha se këto zgjedhje janë një mundësi e mirë për qytetarët e Beratit për t’i dhënë vazhdueshmëri projektit për transformimin e qytetit.

“Berati pas 21 Qershorit do të jetë një qytet edhe më i madh dhe me më shumë zona rurale e turistike. Qeveria është e projektuar në programin e saj për transformimin e plotë të këtij qyteti, duke përmirësuar në radhë të parë dhe nivelin e jetesës. Në muajt e fundit Berati ka pësuar përmirësime të mëdha në infrastrukturë, duke u përmirësuar nga ana estetike dhe për rrjedhojë duke nxitur dhe përmirësimin ekonomik. Zgjedhjet e 21 Qershorit janë një mundësi e mirë për të vijuar transforimimin e qytetit të Beratit”, shtoi Rama.
 r
r
 Redaksia Online
(al.h/shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH