POP 5

Lajmet më të lexuara të 5 minutave të fundit

Shëndeti

ISKSH ndëshkon 61 spitale
gjobë ndaj 263 mjekëve

Në vitin që lamë pas Fondi i Sigurimeve Shëndetësore, ka marë 61 masa administrative në disa spitale të vendit dhe u ka vendosur gjobë 48 mjekëve të përgjithshëm të familjeve.
TIRANE - Në vitin që lamë pas Fondi i Sigurimeve Shëndetësore, ka marë 61 masa administrative në disa spitale të vendit dhe u ka vendosur gjobë 48 mjekëve të përgjithshëm të familjeve. Sipas raportit të Fondit të Sigurimeve Shëndetësore për vitin 2012, kontrolle të plota janë ushtruar në spitalet Lezhë, Fier, Elbasan, Gjirokastër, Tropojë, Pukë, Shkodër, Kukës, Korçë, Pogradec, Vlorë, etj. Nga kontrollet janë hasur disa problematika, për të cilat janë vendosur 7 masa administrative në spitalin e Sarandës, 30 në Korçë, 6 në Tropojë, 12 në Kukës, 6 në Përmet.

Ndërkohë, kontrolle janë ushtruar edhe në shërbimin parësor, nga të cilat ka rezultuar gjoba në vlerën 146 000 lekë ndaj 48 mjekëve të përgjithshëm të familjes, detyrim shpërblim dëmi në vlerën 1 699 984 lekë ndaj 263 mjekëve të përgjithshëm të familjes, kusht penal në vlerën 40 000 lekë ndaj 8 drejtorëve të qendrave shëndetësore, masa disiplinore ndaj një mjeku dhe 2 infermiere, masa detyrim shpërblim dëmi për 12 subjektet farmaceutike nëpërmjet kontrollit të recetave me rimbursim në vlerën 165 318.5 lekë.

Fondi i Sigurimeve Shëndetësore ka vendosur masa administrative me gjobë në vlerën 232 000 lekë ndaj 39 subjekteve farmaceutike janë vendosur gjatë vitit 2012. Sipas raportit të Fondit të Sigurimeve Shëndetësore për vitin 2012, nga 905 farmaci e agjenci farmaceutike, të cilat kanë kontratë me DRSKSH-të rajonale, në 227 prej tyre janë ushtruar kontrolle tematike dhe me inventarizim, që përbëjnë 25% të të gjithë subjekteve në të gjithë Shqipërinë.

Nga këto kontrolle kanë rezultuar gjithashtu detyrim shpërblim dëmi në vlerën 5 028 832.8 lekë ndaj 81 subjekteve, kusht penal në vlerën 407 560 lekë ndaj 39 subjekteve, zgjidhje kontrate për 9 subjekte farmaceutike, masa disiplinore për 1 mjek të përgjithshëm familje dhe 3 specialistë të DRSKSH, Elbasan, si dhe masa organizative për DRSKSH, Korçë.

Shkrimi u botua sot në Gazetën Shqiptarja.com (print) 16.07.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mijëra njerëz protestojnë kundër konventës së partisë së ekstremit të djathtë në Gjermani

Mijëra njerëz protestojnë kundër konventës së partisë së ekstremit të djathtë në Gjermani

11 Janar, 18:40