POP 5

Lajmet më të lexuara të 5 minutave të fundit

Politikë

Islami: Edhe nëse e majta
bashkohet, PS humb zgjedhjet

Deputeti i pavarur bën një analizë të detajuar të rezultateve të zgjedhjeve duke filluar nga 2005 deri në 2009: Përderisa PS do të drejtohet nga Rama dhe klientela e tij, ka shumë pak gjasa, për të mos thënë aspak, që e majta të bashkohet por edhe nëse bashkohet, e majta dhe PS do të rrudhen. LSI rritet në kurriz të PS.
TIRANE- Kastriot Islami, prej disa muajsh deputet i pavarur, pasi u largua nga grupi PS, dhe ekspert për çështjet e zgjedhjeve, bën një analizë të detajuar të rezultateve të zgjedhjeve duke filluar nga 2005 deri në 2009, dhe në bazë të të cilave  parashikon që në zgjedhjet e 2013 PS ka shumë pak gjasa, për të të mos thënë aspak, që të vijë në pushtet.

Sipas analizës së detajuar në një shkrim të publikuar sot në gazetën Panorama me titull “Islami: Me Ramën as e majta e bashkuar nuk fiton në 2013" (Ky është titulli i redaksisë së gazetës "Panorama", ndërkohë që titulli original i shkrimit i Kastriot Islamit është “E majta e përçarë: PS në opozitë, E majta e bashkuar: E djathta në pushtet”)  Kastriot Islami analizon se:

“Mosbesimi ekstrem e percarja e thellë e së majtës dhe kapja e PS nga një grup klientelist ka krijuar një dukuri sa paradoksale në pamje të parë por aq të pritshme e fataliste në realitet: i) sa herë e majta është e përcarë (zgjedhjet e vitit 2005, 2009, 2011), PS rezulton humbëse; dhe ii) kur e majta bashkohet (zgjedhjet e vitit 2007), cuditërisht e majta rrudhet, PS rrudhet dhe vetëm LSI rritet në kurriz të PS; më shqetësues është fakti që nga rrudhja, e majta rezulton më e vogël se e djathta. Një dilemë e vështirë për të marrrë përgjigje nga Rama dhe klientela e tij, për arsyen e thjeshtë, se Rama duke qënë vetë problemi nuk mund të kthehet në cels të zgjidhjes. E thënë më direkt, përderisa PS do të drejtohet nga Rama dhe klientela e tij, ka shumë pak gjasa, për të mos thënë aspak, që e majta të bashkohet por edhe nëse bashkohet, e majta dhe PS do të rrudhen; për rrjedhojë, PS do të rezultojë fatëkeqësisht në cdo rast humbëse. Në mënyrë më lakonike mund të thuhet se i) nëse e majta mbetet e përcarë, PS është në opozitë (përfundim i natyrshëm), dhe ii) nëse e majta bashkohet, me shumë gjasa e djathta qëndron në pushtet (perfundim ne dukje paradoksal, por i vertetuar ne 2007)” Ja analiza e Kastriot Islamit

analiza e kastriot islamit
(Ne foto grafika me te cilen Islami shoqeron shkrimin)
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

10 Janar, 16:50