Ismail Mulleti i dha 350 mijë euro Shkëlzenit, Berisha i dha Ismail Mulletit koncensionin e markimit të naftës! Po SPAK-u ku hyn këtu?

Ismail Mulleti i dha 350 mijë euro Shkëlzenit, Berisha i dha Ismail Mulletit koncensionin e markimit të naftës! Po SPAK-u ku hyn këtu?

Shkëlzen Berisha

Korrupsioni i Familjes Berisha është sa vulgar dhe flagrant aq edhe i frikshëm dhe sfidues për SPAK.

Duke parë faktet, krijojet përshtypja se Sali Berisha ka vepruar duke menduar se në drejtësi do të kishte gjithmonë Adriatik Llallën, Gjin Gjonin, Tom Ndrecën, Arjana Fullanin etj.

Sot po sjellë në vëmendje një episod tjetër të përdorimit të pushtetit nga Sali Berisha për pasurimin e familjes së tij biologjike.

Më datë 14 korrik të 2008, Shkëlzen Berisha dhe Ismail Mulleti lidhin një kontratë.

Sipas kësaj kontrate, detyra e Shkëlzenit ishte ndërmjetësimi për blerjen e pronave në fshatin Rinia në Durrës, në zonën kadastrale 31 84, me numër pasurie 60/2, 60/3, 60/4, 60/5, 60/6, 60/7, 60/8, me sipërfaqe 57 494 m2.

Shkëlzeni duhet të identifikonte shitësit potencial të tokës, identifikimin e pronave, të dhëna për shitësit etj. Për këtë shërbim, i cili mund të kryhej në vetëm në pak minuta, me anë të një verifikimi nga institucionet shtetërore, Shkëlzen Berisha ka marrë 200 mijë euro nga Ismail Mulleti.

Fiktiviteti i shërbimit, me anë të cilit djali ish-kryeministrit ka marrë paratë, është vetëm njëra anë e medaljes, pasi ka dyshime të forta se shuma prej 200 mijë eurosh të mos jetë vlera e vërtetë.

Po ashtu, zona kadastrale është e njëjtë me zonën ku ka blerë tokë Damir Fazlliç nga Argita dhe Jamarbër Malltezi, tokë që e kishin blerë me lirë. Argita blinte tokë me 10 euro m2 dhe ia shiste Fazlliçit me 18 euro m2.

Më pas në lojë hyn Berisha, i cili me vendim qeverie zgjeroi zonën e parkut energjitik në Porto Romano, duke përfshirë në të dhe tokën e Fazlliçit, klientit të të bijës).

Në datën 11 dhjetor të 2009, po në Fshatin Rinia në Durrës, në zonën e Porto Romanos, Shkëlzen Berisha, ka lidhur një kontratë me Stellar Real Estate Investmens Albania sh.p.k, për t’i gjetur blerës për blerjen e rreth 50 mijë m2 tokë që kanë në pronësi, duke marre si shpërblim 3 euro për çdo metër katrorë.

Në rastin konkret për shërbimi i tij Shkëlzen Berishës fiton 150 mijë euro të tjera.

Shoqëria që shet 50 mijë metra katrorë tokë në fshatin Rinia ka si administratore Entela Shehajn, pra të njëjtin person që është ortake e Ismail Mulleti, që paguan Shkëlzen Berishën për të gjetur tokën për blerje në fshatin Rinia.

Nëse blerësi dhe shitësi janë ortakë mes tyre, përse kanë nevojë të paguajnë Shkëlzen Berishën 350.000 euro për një ndërmjetësim të panevojshëm?

Sepse biznesmemët, për të marrë një koncension, leje, tender apo favor nga qeveria Berisha, duhet të sajonin pagesa të majme tek Shkëlzeni ose Argita.

Në 27 shkurt 2013, Sali Berisha, përmes kryefinancierit Ridvan Bode, i jep Ismail Mulletit koncensionin e markimit dhe monitorimit të karburanteve.

Nga bilancet e dorëzuara në QKR koncesioni ka një marzh fitimi prej të paktën 1.2 milionë eurosh në vit, nga e cila në shtet derdh si tarifë koncesioni rreth 100 mijë euro.

Pra, Ismail Mulleti i dha Shkëlzenit të paktën 350 mijë euro në vitet 2008-2009, ndërsa Berisha i jep më pas Mulletit një koncension nga i cili fiton mbi 1 milionë euro në vit.

Si del në skenë Isamail Mulletit

Në 27 shkurt 2013, Ministria e Financave me në krye Ridvan Boden lidh kontratën koncensionare me kompaninë GFI Albania (që nuk ekzistonte në letra) për markimi dhe monitorimin e karburanteve.

Kompania GFI Albania, themeluar 1 muaj pasi ishte lidhur kontrata, zotërohet në 99.3 për qind të aksioneve nga kompania Petroleum Consultin Partners LLC dhe nga Global Fluids International me 0.7 për qind të aksioneve.

Nga të dhënat e dorëzuara në regjistrin e përfituesve fundorë, rezulton se pronarë përfitues të GFI Albania, rrjedhimisht të koncensionit, deri në shkurt 2023 ishin Ismail Mulleti dhe Assaf Halkin.

Në 16 shkurt 2023, Mulleti dhe Helkin ia shesin kompaninë Petroleum Consultin Partners LLC, rrjedhimish edhe GFI Albania dhe koncensionit shtetases turke

Nerve Korkmaz.

Kontrata koncensionare është vetëm një nga një sagë vendimesh korruptive të qeverisë Berisha në favor të klientëve, të cilët kishin gjetur më parë një fortë për të paguar te Argita apo Shkëlzeni./ Marrë nga faqja e autorit në Facebook

dokumenti 200 euro
(Transferta 200 mijë euro e Ismail Mulletit për Shkëlzenin)

dokumenti 200 euro
(Transferta 150 mijë euro në llogarinë e Shkëlzenit)
ekstrakti

ekstrakti
 
(Kompania "IMAH 2014" me të cilën ka lidhur kontratë Shkëlzen Berisha)

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/12/2023 01:46

    Ka ndonje lidhje Ismail Mulleti me Qazim Mulletin? Nese po,nuk eshte per t'u cuditur per keto qe shkruhen.

    Përgjigju
    • Artani: 07/12/2023 08:28

      Ka lidhje dhe shum Mulleti esht i afërm i Qazim mulletit

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Ylli Pata: Fiksimi për teorinë e shumatoreve të patericave në opozitë

Ylli Pata: Fiksimi për teorinë e shumatoreve të patericave në opozitë