ITALI- Një ngjarje kriminale e ndodhur më 6 maj 2024 në Jesolo, Itali, është zbardhur nga Policia pas një viti.
Roberto Basso, 65 vjeç, një shitës duhani, u vra në shtëpinë e tij, ku jetonte i vetëm. Policia ka arrestuar si autor të dyshuar, 36-vjeçarin shqiptar Leonard Shehu, i cili akuzohet për vrasje, raportojnë mediat vendase.
Shqiptari u ndalua nga Karabinierët e Venecias më 26 mars 2025, pas 11 muajsh hetimesh. Motivi i krimit dyshohet se është vjedhja e banesës, e cila ka përfunduar në një sulm fatal.
Duket se Leonard Shehu ka hyrë në shtëpinë e viktimës së tij për të vjedhur sendet e duhanxhiut, por i befasuar ka reaguar duke goditur me një send të mprehtë në kokë Roberto Basso.
Në vendin e ngjarjes janë gjetur edhe gjurmë të ADN-së së Leonard Shehut. Më tej, Leonard Shehu dyshohet se është përgjuar teksa i ka kërkuar gruas të konfirmonte një alibi për natën e krimit. Në seancën e konfirmimit, prokurori Giovanni Zorzi i ka komunikuar Shehut akuzën e vrasjes me dashje. Gjykatësi ka urdhëruar që ai të mbahet në burg.
Hetimet me teknika të sofistikuara dhe me fjalën më të fundit të teknologjisë kanë zbuluar autorësinë e vrasësit të pronarit të tabakinos (kioskë për shitje cigaresh) në Venecia, më 6 maj 2024. Ai akuzohet si autor i vrasjes në rrethana konflikti për pagesën të Roberto Basso, 64 vjeç. Viktima u gjet i vdekur në shtëpinë e tij, në “Via Antiche Mura”.
Karabinierët e njësisë hetimore të komandës provinciale të Venecias, në përfundim të një aktiviteti hetimor gati një vjeçar, kanë ekzekutuar një urdhër-arresti të lëshuar nga prokuroria. Shqiptari Shehu, i njohur si klient i Bassos, pa precedentë penalë, dyshohet se e ka goditur disa herë në kokë me një send të mprehtë. Viktima u gjet i shtrirë në dysheme, në një pellg gjaku.
Hetimi kompleks dhe i gjatë - i koordinuar nga prokuroria dhe i kryer nga njësia hetimore ushtarake - u krye me veprimtari tradicionale dhe teknike dhe me mbështetjen shkencore të personelit të RIS Parma.
“Nëpërmjet analizës së mbi 100 orë pamjeve të nxjerra nga sisteme të ndryshme të video-mbikëqyrjes publike dhe private të pranishme në zonën e interesit operativ, u identifikua një makinë, e cila u konstatua se ishte në pronësi të personit të arrestuar, i pranishëm në vendngjarje në një afat kohor të përputhshëm me kohën e vrasjes”, informon media italiane, duke iu referuar hetuesve.
Gjatë kontrolleve të ndryshme u gjetën disa fragmente plastike të një kaçavide, të përdorura për të hapur me forcë dritaren e shtëpisë, mbi të cilën, pas analizave laboratorike të kryera në RIS në Parma, u nxor dhe një profil gjenetik që i atribuohet të dyshuarit.
Shkak i krimit mendohet se është gjendja e vështirë ekonomike e autorit, i cili shkoi për të grabitur pronarin e tabakinos. I befasuar nga diktimi prej pronarit të shtëpisë, i dyshuari e ka goditur disa herë me kaçavidë në kokë, dike i shkaktuar plagë fatale.
Arrestimi është bërë i domosdoshëm për shkak të ekzistencës së provave të rënda të fajësisë ndaj të dyshuarit, për veprën penale të vrasjes.
Për më tepër, u identifikua rreziku real i arratisjes së personit të arrestuar në vendin e tij të origjinës dhe që të dëmtoheshin provat. Kjo, pasi nga përgjimet rezultonte e qartë se i arrestuari i kishte thënë bashkëshortes së tij që t'u jepte hetuesve deklarata të pavërteta në lidhje me praninë e tij në shtëpi në mbrëmjen e vrasjes, si dhe rreziku i përsëritjes së krimit për shkak të vështirësive financiare që shqiptari kishte kohët e fundit, tha komandanti provincial i Karabinierëve të Venecias, kolonel Marco Aquilio.
I arrestuari u dërgua në burg në Santa Maria Maggiore.
Komente
Lajme të tjera
-
Itali/ ‘Jessy’ tradhton shqiptarin, i zbulon kokainën dhe 10 mijë euro cash! E trafikonte me biçikletë elektrike përgjatë bregdetit
31 Mars, 16:19 -
Kampi i Gjadrit do të përdoret për ndalimin e emigrantëve në pritje të dëbimit, Komisioni Europian: Dekreti i Melonit, në përputhje me ligjin e BE
31 Mars, 16:04 -
Korrieri shqiptar i drogës dëbohet nga Terni, 26-vjeçari vuajti 3 vite burgim! U kap me 195 pako kokainë, trafikonte mes Shqipërisë dhe Italisë
31 Mars, 16:03 -
Vrasja e palestinezes nga i ati në Tiranë/ Në plan e përfshirë edhe mamaja! Iku nga Gjermania në Liban, gënjyen sikur e reja vdiq në aksident
31 Mars, 12:09 -
Inskenoi vdekjen në Pukë, Ministria italiane e Drejtësisë ‘vulos’ ekstradimin e biznesmenit Pecorelli! I dënuar me 4 vite burg nga autoritetet shqiptare
31 Mars, 11:46 -
Itali/ Arrestohet 38- vjeçari shqiptar, karabinerët i gjejnë sasi kokaine dhe marijuane në garazhin e shtëpisë
31 Mars, 11:28 -
Itali/ Arratiset nga burgu 34-vjeçari shqiptar, kishte përfituar nga regjimi i gjysmëlirisë! I dënuar për grabitje (EMRI)
30 Mars, 16:24 -
Pesë fluturime të dyshimta, misteri i dronit rus që “spiunon” mbi qendrën kërkimore të BE
30 Mars, 15:24 -
Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes
30 Mars, 15:11 -
Zgjedhjet/ Votat e diasporës do transportohen në 85 shtete të botës, caktohet kompania! Fondi 10 mln euro, kostoja 40 euro për çdo emigrant
30 Mars, 14:55 -
SPECIALE/ Marubi, historia e dinastisë që ruajti Shqipërinë e zhbërë
30 Mars, 14:23
-
Ursula von der Leyen: Do e kthejmë Ukrainën në një kështjellë çeliku! Putin? Tashmë ka dështuar!
30 Mars, 12:37
