POP 5

Lajmet më të lexuara të 5 minutave të fundit

Kronikë

Vrasja e palestinezes nga i ati në Tiranë/ Në plan e përfshirë edhe mamaja! Iku nga Gjermania në Liban, gënjyen sikur e reja vdiq në aksident

Edhe nëna e palistinezes të vrarë në Tiranë në muajin shkuar nga babai i saj dyshohet të jetë e përfshirë në krim, pasi mësohet se është larguar nga Gjermania, ku ndodhej me status azilanti dhe i është bashkuar bashkëshortit të arratisur në Liban. Miq të vajzës thonë se ajo erdhi tranzit në Tiranë për të takuar 3 fëmijët e saj te ish-bashkëshorti në Liban.

TIRANË- Trupi i pajetë i palestinezes 24-vjeçare të vrarë nga babai në një dhomë me qira në Tiranë, më 22 shkurt të këtij viti, ndodhet ende në morg, pasi askush nga familjarët e saj nuk ka shfaqur interes për ta tërhequr.

Ky detaj ngre dyshime të forta për hetuesit, se në vrasjen e vajzës Rayan Alwan, të jetë e përfshirë edhe nëna e saj, e cila në momentin e krimit ndodhej në Gjermani, por më tej ka dyshime se është larguar drejt Libanit, aty ku 49-vjeçari Fadi Alwan u arratis pasi vrau të bijën me thikë në bark.

Dyshimet mbi nënën shtohen edhe më shumë mbi një denoncim që ajo bëri në Gjermani, më 26 shkurt, vetëm 1 ditë para se pronarja e shtëpisë me qira në Tiranë të gjente në dhomë trupin e pajetë të 24-vjeçares (më 27 shkurt), 3 ditë pasi i ati e kishte vrarë në heshtje pa u diktuar nga askush dhe ishte larguar nga vendi e duke marrë çdo send personal të së bijës, përfshirë edhe celularin e saj.

Nëna kallëzoi se vajza e saj shantazhohej nga disa persona për një video në të cilën shfaqej nudo, por hetuesit dyshojnë që kjo të jetë një alibi, pasi nuk ka prova se kjo video ekziston, dhe mendojnë se vrasja ishte e mirë menduar për shkak të largimit të 24-vjeçares nga traditat islame. Nëna nuk është marrë asnjëherë në pyetje për vrasjen e së bijës, pasi nuk është gjetur në Gjermani, ku la gjurmë vetëm këtë denoncim.

Në Liban madje, një shoqatë mediatike, shpërndau madje një lajm se, Rayan Alwan kishte ndërruar jetë në Gjermani si pasojë e një aksidenti automobilistik, çka lë dyshime për hetuesit se ky informacion mund të jetë përhapur nga familja, për të fshehur të vërtetën e vrasjes në Tiranë.

Hetuesit ende nuk kanë të qartë përse erdhën në Tiranë më 19 shkurt (2025), babë e bijë por disa dëshmi të miqve në Gjermani të palestinezes, thonë se Shqipëria ishte tranzit për të shkuar në Liban aty ku 24-vjeçarja do të takonte 3 fëmijët të cilët janë nën kujdestarinë e ish-bashkëshortit pas divorcit rreth 4 vite më parë.

Në Gjermani, siç autoritetet atje i kanë thënë policisë shqiptare, vajza, e cila kishte kërkuar azil, kishte bërë një kallëzim në janar 2024 sipas së cilës, nëna, babai Fadi Rayan Alwan dhe dy vëllezërit e kërcënonin me vdekje prej disa kohësh për shkak të dëshirës së saj për një jetë të lirë dhe perëndimore

Rayyan Alwan dhe babai i saj Fadi Alwan

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

Gjykata rrëzon akuzat kundër Kryetarit të Bashkisë së Nju Jorkut, Eric Adams

Gjykata rrëzon akuzat kundër Kryetarit të Bashkisë së Nju Jorkut, Eric Adams

3 Prill, 21:14