POP 5

Lajmet më të lexuara të 5 minutave të fundit

Bota

Itali, anija Gregoretti bllokohet në Siçili me 116 emigrantë në bord

Itali, anija Gregoretti bllokohet në Siçili me 116 emigrantë në bord

Vetëm një familje me katër fëmijë me një nënë shtatzënë dhe dy të mitur janë lejuar të zbresin nga anija Gregoretti, kurse 116 migrantët e tjerë mbeten të mbërthyer në anije në portin e Augusta në Siçili.

Ministri i Brendshëm Italian Matteo Salvini nuk ka pranuar zbarkimin e emigrantëve, përveç nëse vendoset shpërndarja e migrantëve në vendet europiane.

Gjermania ka deklaruar gatishmërinë e saj kurse Bashkimi Evropian ka siguruar se po punohet në lidhje me çështjen.

Ndërkohë, emigrantët mbeten të bllokuar pasi arritën të shpëtoheshin në detin Mesdhe.

"Vitin e kaluar ne kemi kërkuar që shtetet evropiane të bien dakord se ku do të ankorohen anijet me emigrantë të shpëtuar” -  tha zëdhënësi i agjencisë së OKB për refugjatët – Anijet nuk  mund të qëndrojnë në det për ditë me radhë. Kjo mund të çojë në hezitimin ose vonimin e përgjigjes në raste alarmi, ku çdo sekondë është thelbësore".

Nuk është hera e parë që mosmarrëveshjet kanë derivuar situate të tilla.

Në muajin gusht të vitit 2018, Rojet bregdetare bllokuan anijen Diciotti për gati 10 ditë në portin e Catanias.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54