ITALI - Një 23 vjeçar shqiptar ka përfunduar në pranga me akuzën e trafikimit të lëndëve narkotike. Leonard Mona 23 vjeç u ndalua nga policia e Luccas gjatë një kontrolli në postbllok.

I riu shqiptar kishte në makinë një sasi droge të llojit heroinë e cila u diktua nga qeni i antidrogës. Pas kontrollit në makinën e 23 vjeçarit u gjetën 750 gramë heroinë, një peshore elektronike dhe disa plumba.

Mona u vu në prangat e policisë dhe dyshohet se i përket një rrjeti më të madh të trafikimit të drogës, policia po vazhdon hetimet për gjetjen e bashkëpunëtorëve të tij.

(b.m/shqiptarja.com)