Gjatë mbrëmjes së të dielës, një person shtypi një 38- vjeçare shqiptare, nënë e pesë fëmijëve, e cila ishte duke qëndruar në anë të rrugës.

Personi i cili aksidentoi 38- vjeçare shqiptare, sipas raportimit që bëjnë mediat italiane, u largua nga vendi i ngjarjes, pa i dhënë ndihmën mjekësore dhe pa lajmëruar shërbimet e emergjencës, por arratia e tij nuk do të zgjaste shumë pasi do të arrestohej nga policia tre orë pas aksidentit që i mori jetën nënës shqiptare.

Aksidenti ndodhi në Brescia, ku shqiptarja 38- vjeçare, e cila  jetonte prej vitesh aty u godit nga një makinë tip “Ford Focus” ngjyrë gri shoferi i të cilës as nuk ndaloi për tu munduar ti shpëtonte jetën. 38- vjeçarja u transportua në spital nga ambulanca e “Gardës së Vullnetarëve”, në momentet e fundit të jetë, ku pak kohë më pas ndërrojë jetë.

Autoritetet italiane kanë bërë të ditur se shoferi i automjetit i cili aksidentoi për vdekje 38- vjeçare ishte një 43- vjeçar.

Redaksia Online
D.T/Shqiptarja.com