Një 28-vjeçar shqiptar është arrestuar nga policia italiane në Leçe. Skerdian Meçaj, emigrant shqiptar me dokumenta të rregullta, që shiste fruta dhe perime në rrugë, e shfrytëzonte këtë gjë edhe për të trafikuar drogë.

Kanë qenë qytetarët që merrnin fruta perime tek 28-vjeçari të cilët i kanë thënë policisë se tek makina që ai përdorte për tregti mbante një erë e çuditshme. 

Kështu policët kontrolluan sot në mëngjes automjetin që përdorte shqiptari për të bërë tregti, duke gjetur 4 kg marijuanë e ndarë në tre pako. 

Sipas policisë italiane 28-vjeçari Skerdian Meçaj ishte një shitës i madh i lëndës narkotike, të cilën shkonin e merrnin shitësit e tjerë, që e fusnin në tregun e pakicës. 

Policia ka sekuestruar 4 telefonat celularë të tij, nga të cilët pritet të dalin lidhjet e 28-vjeçarit shqiptar.

skerdian mecaj

skerdian mecaj

skerdian mecaj