MACERATA - Burokracia gjyqësore në Itali vret për së dyti 24-vjeçaren Gulia Baldasarri, e cila 8 muaj më parë gjeti vdekjen në Shqipëri në mënyrë tragjike. Mediat italiane raportojnë se është pikërisht gjykata e qytetit të Maceratës e cila ka dhënë një vendim duke dënuar me 4 muaj burgim për një vjedhje të ndodhur në 2009-ën.

Vendimi ka shokuar opinionin dhe tronditur familjen Baldassari pasi një dënim pas vdekjes është inekzisten dhe gjykata duhet ta kishte pushuar me kohë këtë çështje, shprehen ata për mediat lokale.

Gulia 1 vit më parë erdhi sëbashku me të dashurin e saj Sokol Uruçajn në Shqipëri për të kaluar pushimet, e nga ku kishin vendosur të lidhnin jetën por fatkeqësisht ajo u vra nga vjehrri i saj babai i Sokolit i cili nuk pranonte lidhjen e djalit me Gulian.

Me një ceremoni të ndarë mortore Gulia u varros në itali ndërsa Sokoli u varros në Elbasan, ndërsa autori i masakrës pas dënimit për tragjedinë e shkaktuar është në burg.
 
Redaksia online
(ac/shqiptarja.com)