Itali, kapen 2.5 t marijuanë, trafikantët hodhën drogën në det, Policia: Gomonia iku drejt Malit të Zi

Guardia di Finanza (GdF) ka sekuestruar rreth 2.5 ton kanabis e ngarkuar në një gomone pranë brigjeve italiane në Pulja, ndërsa trafikantët kanë mundur t'i ikin ndjekjes nga policia. Operacioni është zhvilluar mbrëmjen e kaluar në det të hapur me angazhimin edhe të policisë shqiptare e asaj italiane.

Policia shqiptare ka dhënë detaje për drogën e kapur në brigjet e Puljas. Kanë qenë autoritetet italiane të cilët kanë pikasur gomonen gjatë patrullimit në det të hapur. Fillimisht gomonia me drogë është pikasur nga Guardia di Finanza pranë brigjeve italiane dhe është vënë menjëherë në ndjekje të saj. 

Në datë 9 Qershor 2018, rreth orës 16:25, një avion i Guardia di Finanza të Pulias gjatë kontrollit në hapësirën detare, pikasi një mjet lundrues që lëvizte me shpejtësi në ujërat italiane, në largësi rreth 40 milje nga bregu. Menjëherë në ndjekje janë vënë 2 mjete lundruese të GdF duke e interceptuar mjetin lundrues të llojit gomone, i cili ishte i ngarkuar dhe lëvizte me shpejtësi. 

Ndërkohë partnerët italianë kanë njoftuar Policinë Kufitare në Shqipëri. Disa mjete të Policisë Kufitare dhe të Guardia di Finanza në Durrës dhe Vlorë janë vënë në gadishmëri, në pritje të hyrjes së gomones në ujërat territoriale shqiptare. 

LEXO EDHE:
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës

Njoftimi i Policisë së Shtetit

Për t'i shpëtuar kapjes nga policia, trafikantët kanë hedhur sasinë e konsiderueshme të drogës në det dhe janë larguar me shpejtësi. Në këtë moment, në gatishmëri kanë kaluar edhe autoritetet shqiptare të Forcës Detare në Vlorë dhe Durrës, ndërkohë që gomonia me trafikantët i drejtohet ujërave malazeze dhe pavarësisht ndjekjes edhe nga autoritetet e këtij vendi, trafikantët ia dalin të shpëtojnë dhe të humbasin gjurmët.  

Por gomonia e ngarkuar, në ndjekje nga GdF ka shtuar shpejtësinë duke hedhur në det ngarkesën. Më pas ajo i është drejtuar territorit të Malit të Zi, duke u futur në këto ujëra. Policia malazeze e ka interceptuar gomonen, por pas një ndjekje për rreth 1 orë, ka humbur gjurmët e saj. Ndërkohë që Guardia di Finanza ka rikuperuar mallin e hedhur në det në ujërat ndërkombëtare në afërsi të ujërave territoriale të Malit të Zi, ku rezultoi 2 ton e 475 kilogramë marijuanë. 

Njoftimi i Policisë së Shtetit

Mediat italiane: Droga vinte nga Vlora
Sipas deklaratës së policisë shqiptare, nuk është e qartë origjina e ngarkesës dhe vendi nga ku mund të jetë nisur gomonia me 2.5 ton drogë.

Autoritetet policore në 3 shtetet po vijojnë hetimet dhe shkëmbimin e informacionit për zbulimin dhe ndalimin e trafikantëve, por ende nuk ka të dhëna për origjinën e mallit dhe shtetin nga ku mund të jetë nisur gomonia. 

Deklarata e Policisë Shqiptare

Por sipas mediave italiane, droga vinte nga jugu i Shqipërisë, nga Vlora. Vlera e drogës, nëse do arrinte tregun italian dhe më gjerë atë europian, do kapte 20 milionë euro.  

Njoftimi i policisë:

 GdF italiane sekuestron 2.5 ton marijuanë, e cila u hodh në det nga trafikantët.

• Në operacion pas interceptimit të gomones edhe Policia Kufitare e Shqipërisë dhe Malit të Zi

• Nuk dihet ende origjina dhe vendi nga ku u nis gomonia drejt Italisë 

Në datë 9 Qershor 2018, rreth orës 16:25, një avion i Guardia di Finanza të Pulias gjatë kontrollit në hapësirën detare, pikasi një mjet lundrues që lëvizte me shpejtësi në ujërat italiane, në largësi rreth 40 milje nga bregu. 

Menjëherë në ndjekje janë vënë 2 mjete lundruese të GdF duke e interceptuar mjetin lundrues të llojit gomone, i cili ishte i ngarkuar dhe lëvizte me shpejtësi. 

Ndërkohë partnerët italianë kanë njoftuar Policinë Kufitare në Shqipëri. Disa mjete të Policisë Kufitare dhe të Guardia di Finanza në Durrës dhe Vlorë janë vënë në gadishmëri, në pritje të hyrjes së gomones në ujërat territoriale shqiptare. 

Por gomonia e ngarkuar, në ndjekje nga GdF ka shtuar shpejtësinë duke hedhur në det ngarkesën. Më pas ajo i është drejtuar territorit të Malit të Zi, duke u futur në këto ujëra. Policia malazeze e ka interceptuar gomonen, por pas një ndjekje për rreth 1 orë, ka humbur gjurmët e saj.

Ndërkohë që Guardia di Finanza ka rikuperuar mallin e hedhur në det në ujërat ndërkombëtare në afërsi të ujërave territoriale të Malit të Zi, ku rezultoi 2 ton e 475 kilogramë marijuanë. 

Autoritetet policore në 3 shtetet po vijojnë hetimet dhe shkëmbimin e informacionit për zbulimin dhe ndalimin e trafikantëve, por ende nuk ka të dhëna për origjinën e mallit dhe shtetin nga ku mund të jetë nisur gomonia.

//Shqiptarja.com

TAG:
• trafik droge
• itali
• guardia di finanza
• skuadra e Brindisit
• salento