Pas arrestimit të policit të burgut të Brescias me origjinë kalabreze,policia italiane ka nisur të zgjerojë hetimet për përfshirjen e policëve të tjerë për korrupsion, shpërndarje droge dhe shpërdorim detyre. Gardiani shqiptar akuzohet për të njëjtat akuza dhe mendohet se ka një bashkëpunim me të tjerë.

Zëvëndës Prokurori Ambrogio Cassiani thotë se është tërhequr një hallkë e një zinxhiri të tërë në ushtrimin e aktivitetit  të shitjes së kokainës  brenda burgjeve, kjo  sipas tij, e ndihmuar edhe nga të burgosurit e tjerë.

Sa i përket dosjes së të hetuarve janë në proces hetimi dhe persona të tjerë, perfshirë këtu dhe një gardian burgu dhe dy të tjerë që vuajnë dënimin në qelitë e burgut në Brescia.

Në harkun kohor prej dy vitesh, vetë policia e burgut ka hetuar rastet e mundshme. Shkas për fillimin e hetimeve  ka qenë një denoncim i bërë nga  një i dënuar, i cili pretendonte se ishte mashtruar.

Polici i arrestuar ka marrë një makinë të përdorur, por pa i kryer pagesën dhe as kalimin e pronësisë. Sipas policisë kjo ka qenë indicia e parë që ish-pronari, kishte marrë gjoba të shumta.

Por me nisjen e hetimeve  policia ka zbardhur raste krejt të tjera  për policin e arrestuar, ndërsa sipas informacioneve dhe të dhënave të siguruara, polici kishte drejtuar aksionet e blerjes dhe të shitjes së kokainën në burgun në fjalë.

Furnizuesit e sasisë së kokainës ishin shqiptarë, ndërsa nga brenda ai funksiononte me hallkën e bashkëpuntorëve, por kjo pistë nuk është e plotë pasi pretendohet se furnizimet mund të jenë dhe në dy linja.

Malli i blerë u paguante nëpërmjet rrugës postare,  në koordinim me ato që qendronin pas hekurave dhe kjo është siguruar nëpërmjet dëshmitarëve të cilët kanë dijëni për këtë gjë.

Aktualisht në vijimësinë e kësaj historie janë të hetuar katër persoan, ndërsa nesër në gjykatë pritet të dëshmojë një i paraburgosur që kishte blerë drogë, por nuk  përjashtohet fakti që të gjithë të dyshuarit mund t’i nënshtrohen analizave .

Redaksia Online
N.M/Shqiptarja.com