RIMINI - Kapet me 2.2 kilogramë heroinë, arrestohet një shqiptar. Policia italiane ka ndaluar mesditën e sotme, shqiptarin Ardian Gogoli, nga Durrësi por që jetonte në Rimini. Ai është ndaluar pasi ishte duke transportuar lëndën narkotike në një çantë.

Ai është zbuluar në momentin kur ka qenë duke hipur në autobus në Nuoro, të Riminit. Agjentët e policisë kanë dyshuar tek ai dhe e kanë ndaluar për një kohntroll, ku kanë gjetur edhe lëndën narkotike.

Në çantën e 41-vjeçarit shqiptar janë gjetur katër pako me lëndë narkotike, heroinë me peshë 2.2 kilogramë. Mësohet se vlera e kësaj lënde narkotike në treg shkonte në 400 mijë euro.
 
Redaksia online
(ac/shqiptarja.com)