Itali/ Nuk duronte dot të dashurën e babait të tij, 40-vjeçari i kërkon policisë  ta fusë në burg

Itali/ Nuk duronte dot të dashurën e babait të tij, 40-vjeçari i kërkon policisë  ta fusë në burg

Foto ilustruese

ITALI- Gjykata italiane në Torino është hasur me një kërkesë “të çuditshme” dhe të pa dëgjuar më parë , ku një 40-vjeçar italian donte të kthehej në burg dhe të linte “arrestin e shtëpisë”, masë të cilën atij ia kishte caktuar më herët gjykata. Për katër muaj ai jetonte me të atin dhe partneren e tij të re në një shtëpi, i cili kuptoi se bashkëjetesa ‘e detyruar’ nuk ishte më e qëndrueshme. 

“E padurueshme”, tha ai para policëve italian ditën kur u largua nga shtëpia dhe u paraqit në komisariat.

“Jam liruar me arrest shtëpie. Ju lutem më ktheni në burg. Nuk e duroj dot më të dashurën e babait tim”, tha ai.

Karabinierët ia kanë pranuar kërkesën, por të nesërmen gjyqtari duke vërtetuar arrestimin e liroi dhe e ktheu në shtëpinë nga e cila ishte arratisur. Që nga marsi i kaluar, 40-vjeçari ishte duke vuajtur një dënim kumulativ prej një viti e një muaji. Gjykata Mbikëqyrëse i kishte caktuar masën e paraburgimit në shtëpi, ndaj ai u kthye të jetonte nën të njëjtën çati me të atin dhe partneren e re të babait. Në fillim gjithçka shkoi mirë, por më pas do të lindnin probleme.

Dhe kështu, për të mos jetuar me “njerkën” e tij ai u arratis, duke e ditur fare mirë se shkelja do ta kthente në qeli. Në fund të fundit, ishte ajo që donte dhe nuk e fshehu këtë gjë para gjyqtarit. Ai mendoi se ia kishte arritur qëllimit kur dëgjoi prokurorin që i kërkonte paraburgim në burg. Por gjyqtari konstatoi se nuk kishte kushte për këtë çështje Ligjore./Corriere Della Sera

 

 

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik