Reshjet e pazakonta që ranë gjatë 24 orëve të fundit mbi qytetin e Palermos, në Itali kanë shkaktuar përmbytje masive
Shiu i dendur shndërroi brenda pak minutash rrugët dhe autostradat hyrëse të qytetit më të madh siçilian në lumenj të furishëm, që morën përpara shumë automjete.
![](https://shqiptarja.com/template/img/NO_ALFA_Kuadrate shqiptarja.png)
Të gjendur të papërgatitur, dhjetëra drejtues mjetesh u përpoqën të shpëtonin edhe duke notuar.
Shumë dëshmitarë kanë treguar se mjaftë njerëz ishin përpirë nga rrymat e fuqishme të ujërave, por ekipet e emergjencës kanë deklaruar se deri më tani nuk ka asnjë viktimë, apo njoftime për persona të zhdukur.
Veç dhjetëra automjeteve të dëmtuara, përmbytjet shkaktuan rrëshqitje toke duke dëmtuar rrugët e autostradat. Autoritetet u detyruan të pezullojnë qarkullimin rrugor, duke krijuar radhë të gjata pritjeje në hyrjet e qytetit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)