POP 5

Lajmet më të lexuara të 5 minutave të fundit

Bota

Itali/ Po trafikonte rreth 12 kg kokainë të fshehur në parakolpin e kamionçinës, arrestohet korrieri shqiptar! Në tavanin e banesës i gjendet libri i klientëve e llogarive (EMRI)

Guardia di Financa e kishte në ndjekje 24-vjeçarin, dyshohej edhe si pjesë e një organizate kriminale të trafikut ndërkombëtar në Shqipëri. Vlera e mallit mbi 1,2 mln euro. U befasua nga postblloku, droga në dy pako e futur në dhomën e fshehtë të parakolpit të mjetit. I sekuestrohen edhe 1 mijë euro cash dhe librat e llogarive të biznesit ilegal

Itali/ Po trafikonte rreth 12 kg kokainë të fshehur në parakolpin e kamionçinës, arrestohet korrieri shqiptar! Në tavanin e banesës i gjendet libri i klientëve e llogarive (EMRI)

Kokaina e sekuestruar nga Guardia di Finanza në Brescia

Brescia- Një 24-vjeçar shqiptar është arrestuar në Itali nga policia, teksa u kap me rreth 12 kg kokainë të pastër të fshehur në pjesën e parakolpit të mjetit të tij, në Brescia.

I riu i identifikuar si Zyber Tafa, ishte mbajtur prej kohësh nën monitorim, pasi disponoheshin informacione për aktivitet të dyshimtë në zonën e Bolonjës, si pjesë e një organizate të dedikuar për trafikun ndërkombëtar të drogës. Vlera e drogës kap shifrën e mbi 1,2 mln eurove nëse shitet me pakicë.

Ka qenë një postbllok gjoja i rastësishëm i ngritur në rrugë, që çoi në pranga korrierin shqiptar. Agjentët e Guardia di Financa e befasuan të riun Zyber Tafa, me banim në Minturno, në provincën Latina, por banues në qytetin e Breshias.

Media e vendit fqinj raporton se Tafa është i skeduar edhe për aktivitet të dyshuar në organizatë kriminale në Shqipëri.

Operacioni u krye një ditë më parë në afërsi të restorantit “La Rotonda”, në “Via Fornaci”. Shqiptari po udhëtonte me një kamionçinë “Ford Focus”, parakolpi i të cilit ishte çmontuar dhe më pas restauruar për të fshehur drogën, e paketuar në dy mbështjellës celofani, me një total 11,8 kg lëndë narkotike.

24-vjeçarit iu sekuestruan 6 celularë, tre në makinë dhe po kaq në shtëpinë e tij në Brescia, si dhe rreth një mijë euro para cash. Në banesë, e fshehur në një çarje në tavan, u gjet edhe një fletë letre me kontaktet dhe llogaritë e pretenduara, shkruan "QuiBrescia".

I riu Tafa u arrestua dhe u dërgua në burg në Brescia, duke pritur që Prokuroria e Bolonjës ta marrë përsipër çështjen.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57