ITALI-Policia ka shkatërruar një bandë shqiptarësh në Arezzo, ndërsa janë arrestuar 11 persona. Fillimisht janë arrestuar 6 persona të grupit, më pas 5 të tjerët, ndërsa janë publikuar fotot dhe inicialet e tyre.

Hetimet për rrjetin filluan në muajin Korrik, ndërsa në fillim të muajit dhjetor u kryen arrestimet e anëtarëve të bandës. Sipas medieve italiane, banda furnizonte me kokainë klientë VIP, ndërsa janë publikuar edhe pamjet.

Pas porosive përmes telefonit, korrierët shqiptarë dërgonin dozën te VIP-at, mes tyre edhe biznesmenë. Vlera për një dozë shkonte nga 60 euro, ndërsa u sekuestruan 500 doza të gatshme, 350 gr kokainë, 500 gr kanabis. 

dy.b/shqiptarja.com