POP 5

Lajmet më të lexuara të 5 minutave të fundit

Bota

Itali/ Shpërndante kokainë bashkë me të fejuarën, arrestohet çifti shqiptar! 21-vjeçari i skeduar për krime, 19-vjeçarja lirohet më pas

Aksioni i karabinierëve pasi pikasën lëvizjet e dyshimta të shqiptarit pranë një furgoni. Sekuestrohen doza kokaine dhe euro cash, pranon krimin dhe dënimin e propozuar nga hetuesit, Gjykata e lë në burg

Itali/ Shpërndante kokainë bashkë me të fejuarën, arrestohet çifti shqiptar! 21-vjeçari i skeduar për krime, 19-vjeçarja lirohet më pas

Foto ilustruese

Umbria- Karabinierët e stacionit lokal në rajonin e Bastia, në Perugia, arrestuan në flagrancë shqiptar 21-vjeçar për trafik droge, së bashku me të fejuarën e tij 19-vjeçare, që dyshohet se e përdorte për mbulim dhe që të mos binte në sy.

Çifti akuzohet për prodhim, mbajtje dhe shitje narkotikësh, sipas Kodit Penal italian. Lajmi u publikua sot (11 Shtator) nga mediat e vendit fqinj, që iu referuan informacioneve zyrtare.

Karabinierët pikasën të riun teksa iu afrua një furgoni të parkuar dhe dorëzoi një pako të vogël. Gjatë ndërhyrjes u sekuestrua sasia e kokainës dhe 140 euro cash.

Jo shumë larg, ndaluan edhe partneren e 21-vjeçarit, së cilës iu gjet një dozë tjetër kokaine, të cilën ajo kishte tentuar ta hidhte në momentin e mbërritjes së policisë. Të dy me origjinë shqiptare, u dërguan në kazermë për kontrolle të mëtejshme.

Shqiptari theksohet se është person me precedentë penalë, ndërsa vajza, e pahetuar më parë, u la nga autoritetet për hetim në gjendje të lirë.

Gjykata e Perugia njoftohet se ka dhënë masën “arrest me burg” për 21-vjeçarin, që pranoi veprën penale të prokurorëve, që parashikon dhe dënim me tetë muaj burg.

Vetëm një muaj më parë, mbi një kilogram kokainë u sekuestrua në Bastia nga policia, e cila pasi konstatoi një automjet të dyshimtë, vendosi të kryejë një kontroll më të thelluar. Për ngjarjen u arrestua një tjetër shqiptar 18-vjeçar, që iu gjetën në banesë edhe peshore dhe sende materiale, përveç sasisë prej 1 kg kokainë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi