Itali, shqiptari i akuzuar për trafik
droge dorëzohet në polici pas 1 viti

TERNI - Një shqiptar i akuzuar si pjesë e trafikut të drogës nga Shqipëria në Itali është vetëdorëzuar në polici, një vit pasi ishte shpallur në kërkim. Mediat italiane bëjnë të ditur se 26 vjeçari,identiteti i të cilit nuk bëhet i ditur Iikishte shpëtuar arrestimeve në kuadër të operacionit të koduar “Daku” në 2012.

 Në shkurt të 2012 i riu drejtonte një makinë BMW e cila shoqëronte pas furgonin ku transportoheshin 280 kg lëndë narkotike mariuanë e ardhur nga Lazarati i Gjirokastrës.

Disa muaj më pas, në nëntor u arrestuan 19 persona, mes tyre 10 shqiptarë, 8 italianë dhe 1 rumun. Dje është dorëzuar në policinë e Ternit dhe 26 vjeçari. Shqiptari me banim në Narni, jetonte i fshehur në banesën e prindërve apo të të afërmve të tij. Në kuadër të këtij operacioni policor, mbeten dhe dy persona pjesë e trafikut të drogës të cilët ende nuk janë arrestuar.

Redaksia online
(sg/shqiptarja.com)

TAG:
• lazarat