Itali, shqiptari me 5.2 kg heroinë 'kapet' nga qeni antidrogë/VIDEO
Guardia di Finanza ka sekuestruar natën e kaluar në Napoli një sasi lënde narkotike prej 5.2 kg heroinë e pastër, ndërsa arrestoi një shqiptar dhe dy persona të tjerë që bashkëpunëtorët e tij.
Guardia di Finanza ka sekuestruar natën e kaluar në Napoli një sasi lënde narkotike prej 5.2 kg heroinë e pastër, ndërsa arrestoi një shqiptar dhe dy persona të tjerë që bashkëpunëtorët e tij.
Droga u kap gjatë një aksioni rutinë të policisë italiane. Automjeti i shqiptarit është arrestuar për faktin se ishte me targa të huaja, çka ka nxitur policët që ta ndalojnë atë për një kontroll. Automjeti drejtohej nga një 25-vjeçar shqiptar, ndërsa ndodhej në shoqërinë e nënës së tij dhe një banori napolitan rreth moshës 37-vjeç.
Gjatë kontrollit të dokumenteve, të tre pohuan se kishin zbarkuar në portin e Barit nga Shqipëria, për të arritur te të afërmit e tyre për të kaluar sezonin e pushimeve.
Megjithatë, ka qenë qeni antidrogë ai i cili ka nuhatur diçka të dyshimtë në brendësi të automjetit, çka ka vënë në lëvizje policët. Për këtë arsye, makina me tre personat është shoqëruar për në rajonin e policisë, për të inspektuar automjetin nga brenda.
Për evidentimin e sasisë së heroinës, policisë i është dashur çmontimi i disa pjesëve të brendshme, ku edhe u gjetën 5.2 kg heroinë, e ndarë në 15 pako.
Policia arrestoi 25 vjeçarin shqiptar me akuzën e trafikut të drogës, ndërsa vijojnë hetimet për rolin e dy personave të tjerë që ndodheshin në automjet me të.