POP 5

Lajmet më të lexuara të 5 minutave të fundit

Kultura

Aktivitetet Kulturore/ Koncerti ‘Trëndafilin kur ta dhashë’ në TKOB, drama ‘Dhelprat e Vogla’ në skenën e Teatrit Metropol

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

Këngët më të bukura shqiptare dedikuar dashurisë rikthehen në skenën e Teatrit Kombëtar të Operës dhe Baletit përmes koncertit “Trëndafilin kur ta dhashë” të Ansamblit të Këngëve dhe Valleve Popullore. Koncerti do të mbahet më 25 janar në orën 19:00 dhe do të jetë një udhëtim muzikor nga Veriu, Shqipëria e Mesme deri në Jug, ku mund të përjetoni pasurinë kulturore, magjinë e këngës shqipe dhe bukurinë e valleve tona tradicionale.

“Dhelprat e Vogla” është drama që do të ngjitet në skenën e Teatrit Metropol në Tiranë mbrëmjen e kësaj të premteje, por edhe të shtunën dhe të dielën, si dhe më 30, 31 janar dhe në 1 e 2 shkurt në orën 19:00. Me autor Lilian Hellman shfaqja vjen nën regjinë e Spiro Dunit.

“Gjenerata” është shfaqja që do të vijë nga Cirku Kombëtar në Teatrin e Kukullave në Tiranë në 25 dhe 26 janar nga ora 17:00-19:00.

Takimi i muajit janar tek klubi i librit “Arratisje” do nisë me një bashkëbisedim me shkrimtarin Brajan Sukaj më 25 janar në orën 15:00. Takimi do të mbahet te ambientet e organizatës rinore “Përpjekje” në Shkodër dhe në të do të flitet për librin e Sukajt, “I pushtuari dhe nata”.

“Djali miliarder” është shfaqja që do të vijë në skenën e Teatrit të Kukullave në Tiranë në 25 dhe 26 janar prej orës 10:30-11:30.

“Lezetet e mëkatit bashkëshortor” është shfaqja që do të vijë në skenën e Teatrit Kombëtar Eksperimental “Kujtim Spahivogli” te ArTurbina në Tiranë mbrëmjen 25 dhe 26 janarit në orën 19:00. Vepra me autor Valentin Krosnogorov vjen nën regjinë e Milto Kutalit dhe me interpretimin e aktorëve Rafael Hoxhaj dhe Ilirda Bejleri.

S.B/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Beogradi nën ‘pushtetin’ e studentëve, momenti i frikshëm kur një automjet futet mes protestuesve dhe përplas dy prej tyre (VIDEO)

Beogradi nën ‘pushtetin’ e studentëve, momenti i frikshëm kur një automjet futet mes protestuesve dhe përplas dy prej tyre (VIDEO)

24 Janar, 19:09