ROMË - Tre persona kanë humbur jetën gjatë 24 orëve të fundit në Itali për shkak të motit të keq, njoftoi sot agjencia italiane e lajmeve, ANSA.
Dy motra te të gjashtëdhjetat vdiqën në Toskana, pranë Grosetos, dje në mbrëmje, kur makina e tyre u mbulua nga përmbytjet.
Një tjetër grua u gjet sot në verilindje të vendit, pranë Triestes, në një shtëpi të goditur nga shkarjet e tokës.
Përmbytjet kanë shkaktuar dëme të konsisderueshme materiale në edhe Parma dhe Alesandria, dy qytete veriore të vendit.
Italia preket shpesh nga fatkeqësitë natyrore.
Në nëntor të vitit 2012 përmbytjet në Groseto shkaktuan pesë të vdekur./ATSH/.