Itali/ U gjet i masakruar me thikë në pyll, flasin familjarët: Bledari mund të ketë parë a dëgjuar diçka që nuk duhej

Jashtë kangjellave të stacionit të karabinierëve të Asolo në Itali, teksa hetuesit merrnin në pyetje bashkëshorten e Bledar Dedjas  që u gjet I vrarë mëngjesin e së dielës, 21 janar 2024,  në një pyll, prindërit e tij, vëllai, motra dhe nipërit prisnin përgjigje.

“Nuk ishte tip që të merrte rrugë të gabuara në jetë. Ishte për së mbari, nuk pinte, nuk kishte borxhe, nuk i mungonte asgjë. Ishte njeri i qetë, punonte natë e ditë si murator. Kishte pak kohë që kishte ndryshuar punë, sepse donte të fitonte pak më shumë. Ndoshta ka parë a dëgjuar diçka që nuk duhej’ ” thotë i vëllai, citon il gazzetino.

LEXO EDHE:
Hani i Hotit/ Kapet një 31-vjeçar i kërkuar nga drejtësia italiane, akuzohet për trafik narkotikësh

Edhe e motra kërkon drejtësi

“Dua drejtësi nga karabinierët. Dua të di kush ishte. Nuk janë vetëm 2-3 persona. Duhet të kontrollojnë makinat që kanë kaluar, ku shkoi, në cilin lokal ishte. të gjithë flasin mirë për të. Dua të di motivin. Nuk ishte tipi që të kishte probleme me drogën apo paratë.

Mes lotësh motra thotë se vëllai i saj ishte një djalë i qetë dhe se vetëm 2 ditë para ngjarjes kishte komunikuar me të. Ndërsa vëllai tjetër thotë se kohët e fundit kishte vënë re një ndryshim.Babai i 2 fëmijëve kishte 20 vjet që jetonte në Itali. Shkaqet e këtij krimi makabër nuk dihen ende. Momentalisht, sipas mediave italiane, hetuesit kanë ngritur dy pista: hakmarrje ose larje hesapesh.

Lajmi kryesor:

Nisin hetimet për vrasjen e shqiptarit në Itali, u gjet i masakruar me thikë në pyll! Një takim i shkuar keq ose hakmarrje

S.G/Shqiptarja.com

TAG:
• Italia
• Bledar Dedja