Shqiptari i dytë i cili u gjet i vdekur së bashku me shokun e tij në një gurore në La Spezia në Itali është Nik Ceni.

Mediat italiane raportojnë se sipas të dhënave ai vuajti disa orë para se të ndërronte jetë, ndërsa shoku u tij Fabiol Kycyku humbi jetën menjëherë pasi ra nga lartësia.
 
Sipas të dhënave të para dyshohet se të rinjtë po arratiseshin pasi kishin kryer një grabitje dhe nga nxitimi ranë nga lartësia duke gjetur vdekjen.

Babait i Nik Ceni ka shkuar në Itali për të identifikuar trupin por për shkak të gjendjes jo të mirë identifikimi do të kryhet përmes ADN-së.

Shoku i tij Kycyku u arrit të identifikohej pak orë pas ngjarjes pasi familja e tij kishte kërkuar ndihmën edhe të emisionit 'Chi l'ha Visto' pasi i riu kishte humbur kontaktet me të afërmit.

Redaksia Online
e.m/Shqiptarja.com