Itali, vritet shqiptari
që grabiste vilat

Një 27 vjeçar shqiptar ka mbetur i vrarë pas tentativës për të vjedhur një vilë në në provincën e Maceratas në Itali. Sipas agjencisë së lajmeve ANSA raportohet se Marsel Myfatari, 27 vjeç u vra me një plumb pistolete nga pronari i një vile, teksa ai tentoi të hynte në vilë për të grabitur së bashku me disa bashkëpunëtorë.

Policia italiane ka bërë të ditur se pronari i vilës qëlloi në drejtimin nga vinin zhurmat dhe më pas vërejti se kishte qëlluar një person në kokë. Ka qënë po pronari që lajmëroi policinë për ngjarjen, ndërsa mësohet se 27-vjecari vdiq pak orë më pas në spital.

Policia njoftoi është vënë në ndjekje të 2 shqiptarëve të tjerë që dyshohet se kanë qënë me 27 vjeçarin që u vra.