"Një vdekje është tragjedi, një milion vdekje është një statistikë." Një frazë sa autentike aq edhe e frikshme si pothuajse të gjitha frazat e tjera historike, deklarata cinike që i atribuohet Stalinit duhet ndryshojë. Njëqind mijë vdekje janë njëqind mijë tragjedi. Të ballafaquar me diçka krejt të papritur dhe të panjohur siç është kjo pandemi ne italianët ndonjëherë kemi reaguar në mënyra të ndryshme . Për një kohë të gjatë, ka pasur një tendencë për të nënvlerësuar, nënçmuar dhe jo pak raste edhe për të mohuar.
E nisëm çdo gjë me qëllime të mira: jeta vazhdon, Milano nuk ndalet. Disa kanë vazhduar të “përçmojnë” të vërtetën për tu detyruar më pas të tërhiqen mbrapsht nga realiteti. Të tjerë ende vazhdojnë të veprojnë sikur të mos kishte ndodhur asgjë, si të mblidhen jashtë stadiumeve për të mbështetur ekipin e tyre që luan pas dyerve të mbyllura: të gjithë kanë parë imazhet në San Siro dhe Bergamo, por një gjë e ngjashme përsëritet edhe në provinca. Është një reagim njerëzor, të përpiqesh të ruash zakonet e vjetra; por në planin afatgjatë e gjithë kjo këmbëngulje fsheh diçka djallëzore , e cila është gjithashtu një mungesë respekti për viktimat dhe familjet e tyre. Shumë herë kemi dëgjuar thashetheme se "pothuajse të gjithë ata ishin mbi tetëdhjetë vjeç"; sikur jeta e të moshuarve të vlente më pak, sikur dhimbja e atyre që mbetën të mos ishte aq e dhimbshme. Mbëmjen e djeshme erdhi edhe statistika e rëndë , 700 000 mijë viktima në një vit jo lufte, që nga fillimi i pandemisë, ka rreth 108,000 vdekje më shumë se mesatarja; fatkeqësisht, kontabiliteti dramatik përkon me të dhënat e Covid.
Por muajt e fundit është shfaqur edhe një tendencë tjetër. Mund ta quajmë edhe si buletini i luftës. Në vend që të punojmë seriozisht për maskat dhe vaksinat ne jemi zhytur në metafora të luftës dhe krahasime me numrin e konflikteve të shekullit të kaluar dhe në fakt njëqind mijë vdekje janë më shumë se viktimat e bombardimeve, më shumë se të rënët në Caporetto, më shumë sesa trupat të humbura në Rusi. Por as kjo qasje nuk është e duhur.
Por secila gjeneratë ka luftën e saj për të fituar, provën e saj të jetës. Provë që kërkon punë masive logjistike dhe organizative dhe një demonstrim të forcës morale. Sepse prova e jetës duhet të jetë pika e lartë, jo pika e ulët e ciklit tonë. Njëqind mijë viktima përfaqësojnë një numër të frikshëm. Në fakt ky është thjesht një konfirmim se për fat të keq gjithçka nuk shkoi mirë, siç i thamë njëri-tjetrit në fillim. Puna dhe sakrifica e mijëra mjekëve dhe infermierëve është penguar shpesh nga pamjaftueshmëria e klasave sunduese. Dhe, si gjithmonë ekziston rreziku që përgjegjësitë të mos konstatohen dhe sanksionohen siç duhet.
Thjesht duhet të mbajmë zi për të vdekurit, mes tyre shumë figura publike si Vittorio Gregotti, arkitekti që ndryshoi mënyrën tonë të të menduarit për qytetet; Germano Celant, kritiku i artit, Lea Vergine, kritikja, e cila u largua nga jeta vetëm disa orë pas burrit të saj Enzo Mari, dizajner; Giulio Giorello, filozofi që do të jetojë gjatë në librat e tij; Franco Marini, sindikalisti që përkujtoi viktimat e masakrës së Bolonjës , Carlo Tognoli, kryetari i bashkisë më i dashur nga milanezët. Dhe pastaj vjen lista e gjatë me emrat e të panjohurve për shumicën prej nesh por që përfaqëson gjithçka për ata që i deshën.
Ne nuk e kishim fituar betejën me vdekjen; e shtymë. Dikur njerëzit vdisnin në shtëpi, të rrethuar nga personat e tyre më të dashur. Kishte raste kur ceremonitë mortore ishin aq të tejmbushura si ajo që shihet në filmin e Giuseppe Tornatore "Baarìa". Sot, jo vetëm viktimat e Covid kanë vdekur të vetëm, pa mbështetjen e anëtarëve të familjes, pa ceremoni fetare, pa bekim, pa një fjalë të ëmbël. Jo vetëm që kishte fëmijë që mësuan për vdekjen e prindërve të tyre pas ditësh, ata zbuluan se ishin varrosur qindra kilometra larg nga shtëpia , edhe në raste të tjera morën lajmin surprizues "Babai juaj është më mirë".
Në përgjithësi, ne jemi mësuar të mohojmë vdekjen, ta fshehim atë, por përplasja e përditshme e jona me të na ka ndryshuar në mënyrë të pashmangshme. Koha do të tregojë se si dhe sa na ka ndryshuar. Nëse pandemia na ka bërë vetëm më të kujdesshëm apo edhe në botën tonë të brendshme. Nëse na ka mbyllur në marrëdhëniet me të tjerët ose na ka mësuar të matim vlerën e tyre. Nëse kjo na ka frikësuar apo na ka ndihmuar të reflektojmë për atë që kemi bërë deri më tani dhe çfarë na pret tani dhe në të ardhmen.
Në ndërkohë, në çdo moment ne duhet të përkujtojmë të rënët. Nuk duhet të harrojmë Roberto Stella, presidentin e Shoqatës Mjekësore Varese dhe Claudio Polzoni, karabinier që iu përgjigj mijëra thirrjeve në 112 në Bergamo. Angelo Rottoli, ish-boksierin e njohur dhe zonja Terry, nënën e binjakëve Filippini, lojtarëve nga Brescia. Don Fausto Resmini, prifti, i cili ndihmoi të varfërit dhe vizitoi burgjet, një nga më shumë se tridhjetë priftërinj të Bergamos që vdiqën nga Covid, Manuela Andreoli, mësuesja nga Padova që e u infektua në klasë. Giuseppe Manfri, polici që vdiq në detyrë dhe Michelina Petretta, infermierja e repartit antiCovid në Napoli. Ndoshta do të kenë nevojë për një vend përkujtimi për ta. Jo një monument; një pllakë e thjeshtë me emrat e tyre, si ajo që përkujton të rënët në Vietnam, ose si ajo - e propozuar nga Mario Calabresi por që nuk u bë kurrë - e cila duhet të nderojë viktimat e terrorizmit.
Një emër nuk është kurrë i rastësishëm. Një emër është gjithçka. Një emër është një ngushëllim për ata që kanë humbur një të dashur pa qenë në gjendje t'i shohin dhe tu japin lamtumirën e fundit. Ato njëqind mijë vdekje kanë kaq shumë dhimbje, janë një pikëllim i madh publik, një zi e madhe kombëtare. Dhe është nga dhimbja dhe kujtesa, më shumë se nga lavdia dhe fitoret, që një komb si Italia është i bashkuar.
Lajme të tjera
-
Media italiane: Plani B i Melonit për qendrën e emigrantëve në Gjadër
25 Nëntor, 11:33
-
E rëndë në Itali, shqiptari vritet me kaçavidë, arrestohet bashkëatdhetari, krimi pas sherrit në lokal (EMRI+VIDEO)
25 Nëntor, 11:18 -
Itali/ I gjejnë në makinë 16 kg kokainë, arrestohet shqiptari (VIDEO)
25 Nëntor, 10:45 -
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Itali/ Bënin namin me vjedhje në zonën e Udinezes, arrestohen 2 ‘skifterët’ shqiptarë! Sistemi i alarmit i tradhtoi (EMRAT)
24 Nëntor, 22:18 -
Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura
24 Nëntor, 21:21 -
Itali/ Shiste kokainë dhe hashash afër shkollave të Milanos, arrestohet 20-vjeçari shqiptar! I sekuestrohen drogë dhe euro cash
24 Nëntor, 21:06 -
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali
24 Nëntor, 09:15 -
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34
