Parlamenti italian sapo ka zgjedhur: Sergio Mattarella konfirmohet si President i Republikës për një mandat të dytë 7-vjeçar. Pas një jave sherre mes palëve dhe paqartësish, ka tym të bardhë nga të zgjedhurit italianë. 80-vjeçari është zgjedhur në raundin e 8 të votimeve.
Krerët e grupeve të forcave politike u takuan me kreun e shtetit në largim në Quirinale për të kërkuar disponueshmërinë e tij për rizgjedhje. Mattarella nuk dëshironte të rizgjidhej por iu kërkua për shkak të situatës të rëndë politike të krijuar pas dështimeve të njëpasnjëshme të raundeve të zgjedhjeve.
Tejkalimi i 505 votave, të domosdoshme për tu zgjedhur, u përshëndet me një duartrokitje nga shumica e ligjvënësve.
“Kisha planet të tjera, por e respektoj Parlamentin”, tha presidenti duke konfirmuar “po-në” e tij pas marrëveshjes së arritur me mazhorancën për rikandidim.
Mattarella-s i është kërkuar nga liderët e partive në pushtet të qëndrojë si kreu i shtetit pasi ata nuk arritën marrëveshje për një kandidat që mund të siguronte mbështetje të gjerë nga 1009 parlamentarë dhe përfaqësues rajonalë që zgjedhin presidentin.
80-vjeçari, i cili përfundonte mandatin e tij shtatëvjeçar më 3 shkurt, ka thënë vazhdimisht se nuk dëshiron një mandat të ri. Megjithatë, atij mund t'i duhet t'i nënshtrohet presionit, veçanërisht duke pasur parasysh që Mario Draghi, kryeministri, thuhet se i tha të shtunën se duhej të qëndronte në post "për të mirën dhe stabilitetin e vendit".
Deputeti socialist Erion Braçe teksa ka komentuar rizgjedhjen e z. Mattarella edhe për një mandat si presidenti i Italisë për të thumbuar edhe një herë Presidentin e vendit tonë, Ilir Meta.
"Italia mban me forcë Presidentin Mattarella. Ditë të humbura kot nga politika, kur italianët votëbesonin në shumicë super presidentin. Dhe kur nuk ke President, gëzohesh doemos me zgjedhjen e fqinjit! Italia është shumë për ne për shkak të qindra mijë shqiptarëve atje; për ekonominë tonë të përbashkët, për sigurinë e drejtësinë për Evropën", shkruan Braçe.
Kryetari i Grupit Parlamentar të Partisë Socialiste Taulant Balla, përmes një postimi në Facebook, ka uruar presidentin e ri të Italisë, Sergio Mattarella për rizgjedhjen në krye të shtetit. Balla shprehet se Mattarella është pa asnjë diskutim modeli i shkëlqyer i kryetarit të shtetit që përfaqëson unitetin kombëtar, i cili pranoi rizgjedhjen në detyrë me sensin e plotë të përgjegjësisë që buron nga pozicioni i Presidentit të Republikës.
"Urimet më të mira Presidentit të Italisë ???????? Sergio Mattarella për rizgjedhjen! Ai është pa asnjë diskutim modeli i shkëlqyer i kryetarit të shtetit që përfaqëson unitetin kombëtar, i cili pranoi rizgjedhjen në detyrë me sensin e plotë të përgjegjësisë që buron nga pozicioni i Presidentit të Republikës. President normal", shkruan Balla.
Ilir Meta nuk ka pritur të kalojë më shumë se 1 orë dhe ka uruar homologun e tij italian, Sergio Mattarella, për zgjedhjen edhe një mandat tjetër si Presidenti i Republikës në Itali. Meta shprehet i sigurt se në këtë mandat të dytë të Mattarella-s marrëdhëniet Shqipëri-Itali do të rriten e pasurohen.
Fjala e plotë
I nderuar Zoti President, Shkëlqesia Juaj, Sergio Mattarella, i dashur mik! Rizgjedhja Juaj si President i Italisë, më jep kënaqësinë e veçantë që, në emër të popullit shqiptar dhe në emrin tim personal, t’Ju përcjell urimet më të përzemërta dhe të sinqerta për vazhdimin e përmbushjes me sukses të misionit Tuaj në drejtimin e Republikës Italiane.
Kam shumë besim se edhe gjatë këtij mandati, marrëdhëniet e shkëlqyera, historike e shumëdimensionale midis Shqipërisë dhe Italisë, do të rriten e pasurohen edhe më shumë, si në planin dypalësh, ashtu edhe në atë shumëpalësh.
Në emër të popullit shqiptar dëshiroj të shpreh sërish mirënjohjen ndaj popullit italian për mikpritjen e ngrohtë të komunitetit arbëresh në Itali duke vlerësuar e respektuar identitetit kombëtar e traditën shpirtërore, gjuhësore e kulturore dhe duke lehtësuar mirëintegrimin e tij të natyrshëm në shoqërinë italiane. Pritja e ngrohtë në Shën Mitër Korona dhe vizita e përbashkët në Kolegjin e Shën Adrianit, në kuadër të përkujtimit të 550-vjetorit të Gjergj Kastriot Skënderbeut, kanë mbetur në kujtesën time, jo vetëm si dëshmi e ndjenjës së përbashkët të miqësisë shekullore mes dy popujve, por edhe si provë e pakundërshtueshme e vlerësimit Tuaj ndaj kësaj periudhe të veçantë të historisë sonë të përbashkët.
Njëkohësisht, i nderuar Zoti President, gjej rastin t’Ju falënderoj Ju dhe popullin italian dhe autoritetet qendrore dhe lokale të vendit Tuaj për ndihmesën e vyer ndaj shqiptarëve që emigruan tek Ju, për shpirtin mikpritës, falë të cilit, një gjeneratë e tërë të shqiptarëve tanë të Italisë përfaqësojnë denjësisht sot kombet tona, në të gjitha fushat, jo vetëm në Itali, por në mbarë botën.
Shpreh garancinë që vendet tona, si dy vende anëtare të NATO-s, do të vijojnë bashkëpunimin dhe kontributin në sigurinë rajonale e më gjerë, veçanërisht në kuadër të OKB-së, gjatë mandatit dyvjeçar të Shqipërisë, si anëtare jo e përhershme e Këshillit të Sigurimit.
Dëshiroj të shpreh mirënjohjen për mbështetjen e pakursyer dhe të vazhdueshme që Ju dhe vendi Juaj i keni dhënë Shqipërisë dhe të gjitha vendeve të Ballkanit Perëndimor, në kuadër të procesit të integrimit në Bashkimin Evropian, e njëkohësisht të shpreh bindjen se rizgjedhja Juaj si President i Italisë do të nxisë edhe më fort mbështetjen italiane përgjatë këtij proces të rëndësishëm evropian dhe gjeostrategjik për rajonin dhe për gjithë Evropën. Duke Ju ripohuar edhe një herë ndjenjat e miqësisë së thellë të popullit shqiptar, urimet e mia të sinqerta për rizgjedhjen Tuaj si President i Republikës Italiane dhe dëshirën për t’u takuar së shpejti, ju lutem pranoni, i nderuar mik, shprehjen e konsideratës sime më të lartë!
Lajme të tjera
-
U vra me thikë 2 ditë më parë, zbulohet identetiti i shqiptarit në Itali dhe 2 pistat e hetimit mbi ngjarjen
27 Nëntor, 18:48 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Xhenova/ Nuk pranonte të ndahej, shqiptari dhunon barbarisht të dashurën italiane dhe i thyen hundën! Policia e arreston 35-vjeçarin
27 Nëntor, 16:26 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Goditen dy grupe ‘skifterësh’ në Padova dhe Modena, 4 shqiptarë të arrestuar! Akuzohen për të paktën 20 vjedhje në seri, dy kishin prerë bileta avioni për arratisje
26 Nëntor, 16:53 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30 -
Itali/ I droguar në timon rrezikoi jetën e agjentëve, arrestohet 35-vjeçari shqiptar! Rikthehet në burg që të vuajë dënimin e mbetur për vrasje
26 Nëntor, 16:08 -
Itali/ Shqiptari vritet me thikë, plagoset i vëllai, në pranga 2 shtetas nga Maqedonia e Veriut
26 Nëntor, 11:06 -
Vrasja në Itali pas sherrit në lokal, ja kush është shqiptari Nikolin Nika! Baba i dy fëmijëve të mitur dhe me origjinë nga Shkodra, të panjohura motivet
25 Nëntor, 17:02 -
Media italiane: Plani B i Melonit për qendrën e emigrantëve në Gjadër
25 Nëntor, 11:33
-
E rëndë në Itali, shqiptari vritet me kaçavidë, arrestohet bashkëatdhetari, krimi pas sherrit në lokal (EMRI+VIDEO)
25 Nëntor, 11:18
