POP 5

Lajmet më të lexuara të 5 minutave të fundit

Ekonomi

Italianët interes për gazin
e TAP që kalon nga Shqipëria

Kompania e madhe italiane e energjisë ENEL është e interesuar për t’u bashkuar me projektin e gazsjellësit që duhet të kalojë nga Azerbajxhani drejt Italisë nëpërmjet Shqipërisë, si një përpjekje për të diversifikuar burimet e gazit në Evropë.
Italianët interes për gazin <br />e TAP që kalon nga Shqipëria
TIRANE - Kompania e madhe italiane e energjisë ENEL është e interesuar për t’u bashkuar me projektin e gazsjellësit që duhet të kalojë nga Azerbajxhani drejt Italisë nëpërmjet Shqipërisë, si një përpjekje për të diversifikuar burimet e gazit në Evropë. Presidenti i ENEL-it Fulvio Conti deklaroi se “ENEL është e interesuar për projektet që sjellin gaz natyror në vend”, sipas agjencisë REUTERS. I pyetur në se përfshin në këto burime edhe gazsjellësin TransAdriatic Pipeline (TAP), ai u përgjigj me fjalën “sigurisht”.
TAP është një ndër linjat e transportimit të gazit, ende në fazën e projektimit, të cilat po konkurrojnë për të marrë të drejtën e transportimit të gazit natyror nga fusha gazmbajtëse e Shah Denizit II në Azerbajxhan drejt kontinentit të vjetër, në një përpjekje që të dobësohet vartësia e tij ndaj furnizimeve prej Rusisë. Ky projekt është paraqitur nga kompanitë Statoil (Norvegji), EGL (Zvicër) dhe E.ON Ruhrgas (Gjermani) dhe parashikon ndërtimin e 520 kilometrave linjë që do të lidhte Greqinë me Italinë nëpërmjet territorit shqiptar, nën detin Adriatik.
Italia kishte mbështetur një tjetër projekt rival, të quajtur, ku janë partnerë kompanitë Edison, DEPA e zotëruar nga shteti grek dhe Botas e Turqisë. Por, vitin e kaluar ky plan hasi në një pengesë madhore, kur konsorciumi që kontrollon fushën e Shah Denizit dhe që kryesohet nga British Petroleum, u shpreh në favor të TAP-it, si një rrugë e mundshme për të çuar gazin në Evropë. Pavarësisht nga kjo, deri tani qeveria italiane kishte qenë në favor të ITGI-së.
Gazeta italiane “Milano Finanza” njoftonte se qeveria i ka kërkuar ENEL-it të shqyrtojë mundësinë e hyrjes në TAP me 10-15 për qind të aksioneve. ENEL e përdor gazin për disa nga centralet e veta të energjisë elektrike dhe për të furnizuar me të klientët e vet direkt, ndërkohë që ka nënshkruar kontrata për të ndërtuar një terminal të gazit të lëngshëm në Sicili, me kapacitet trajtimi 8 miliardë metra kub në vit.

(gk/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57