Kursi i studimeve është tre vjeçar, parashikon një tarifë prej 4.000 euro në vit për çdo student të regjistruar, të cilat mund të paguhen edhe më këste në sekretarinë përkatëse të këtij universiteti privat. Dhe kjo ishte sinjali i parë që ka alarmuar rektorët në Bari.
Kursi i diplomimit në “Ekonomia e Turizmit” në fakt, zhvillohet në ambientet e Semiramide Palace Hotel, një hotel me katër yje. Më 11 prill të vitit të kaluar, përpara se t’i përgjigjej kërkesës së tyre për bashkëpunim, Petrocelli, vendosi t’i dërgojë një letër Ministrisë së Arsimit, ku kërkon sqarime për organizatën që ka zbarkuar nga Shqipëria. “Duke u nisur nga marrëdhëniet delikate ndërkombëtare – shpjegon rektori i Barit - ne duam të gjitha garancitë, para se të marrim ndonjë vendim”. Ndërkohë, Universiteti i Turizmit i kishte bërë një kërkesë të ngjashme Politeknikut. “Na kanë propozuar një projekt kulturor e shkencor shumë të përciptë - shpjegon Costantino – që konsistonte në një lloj kursi të përbashkët diplomimi. Ne kemi kërkuar sqarime më të hollësishme në lidhje me këtë propozim, por unë nuk besoj se do të kemi ndonjëherë përgjigje”. Praktika, megjithatë, mbërrin në të dy senatet akademike të Universitetit të Barit.
Në universitete mbërrin dhjetorin e kaluar, por Petrocelli propozon ta shtyjë, për të mbledhur më shumë informacion. Pastaj nis një letër në ministri, nga e cila ende nuk ka mbërritur një përgjigje.
Ndërkohë, të premten e kaluar senati akademik është mbledhur sërish i Politeknikut dhe Rektori Costantino ka bllokuar çdo gjë. “Marrëveshja me Universitetin Evropian të Turizmit nuk ka për t’u bërë”. Sa i përket universitetit tjetr, edhe Petrocelli është i bindur. “E të mendosh që Universiteti i Barit na kishte dërguar edhe një projekt-marrëveshje që ne e kishim nënshkruar dhe dërguar sërish” - thotë Salvatore Messina, president i Universitetit të Turizmit në Tiranë, i cili u kontaktua nëpërmjet linjës telefonike. “U kemi propozuar një bashkëpunim të dy universiteteve të Barit, siç bëmë edhe me 25 universitete të tjera italiane”. Në faqen e saj, në fakt, Universiteti Europian i Turizmit thotë se ka marrëdhënie me 14 vende evropiane, duke përfshirë Universitetin e dytë të Napolit dhe Cà Foscari të Venecias.
Në data base-n e të dhënave të Ministrisë italiane të Arsimit, megjithatë, nuk ka asnjë gjurmë të kursit të diplomimit në “Politikat e turizmit”. Shpjegimi qëndron në faktin se zyra e Castellana-s, ishte rregullisht e hapur, por si zyrë e jashtme e universitetit shqiptar. Ligjet italiane parashikojnë, që për ata që kanë fituar titullin, mund të kërkojë t’u njihet edhe në vendin tonë (Itali, red). Por kjo nuk ishte e mjaftueshme për të siguruar dy rektorët në Bari. Për ironi të fatit, Messina në nëntor të vitit të kaluar ishte në auditorin e Universitetit, ku ai mbajti një konferencë për politikat e turizmit në Puglia, me tabela të mëdha që reklamonin kursin e tij të studimeve. “Ngjarja nuk u organizua nga ne, - siguron Petrocelli - por me sa duket ata kanë marrë me qira një sallë, siç bëjnë shumë organizata të tjera.”
Rasti pritet të marrë një përgjigje edhe nga CURC, Komiteti Rajonal Koordinues për Universitetet, i kryesuar nga Petrocelli dhe ku bëjnë pjesë edhe rektorët e Puglias, guvernatori Nichi Vendola, (i cili delegon përgjegjësin e Arsimit për rajonin, Alba Sasso) dhe përfaqësuesit e studentëve. Kjo nënkuptohet nga qëndrimi që CURC ka mbajtur ndaj LUM, Universiteti privat i Casamassima (që përfaqësohet në CURC nga rektori Degennaro Emmanuele), i cili ka planifikuar të hapë një seli të re në Trani. Komiteti ka shprehur kundërshtimin e tij. “Qëndrimi ynë nuk ka ndryshuar – tha Petrocelli - dhe unë kam informuar mbi rastin Castellana edhe përgjegjësen Sasso”. Fundi i misionit nga Tirana në Bari.
(gm/shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
