POP 5

Lajmet më të lexuara të 5 minutave të fundit

Shëndeti

Bota

Itali/Studimi i Vo': Më shumë se 40% e të infektuarve ishin asimptomatikë

Një studim i kryer nga Universiteti i Padovës mbi popullsinë e Vo' - vendi i parë në Rajonin e Veneto-s në Itali, ku shpërtheu infeksioni i Covid, zbuloi se më shumë se 40% e infeksioneve Covid-19 ishin asimptomatikë

Itali/Studimi i Vo': Më shumë se 40% e të infektuarve ishin asimptomatikë

Një studim i kryer nga Universiteti i Padovës mbi popullsinë e Vo' - vendi i parë në Rajonin e Veneto-s në Itali, ku shpërtheu infeksioni i Covid, zbuloi se më shumë se 40% e infeksioneve Covid-19 ishin asimptomatikë.

Hulumtimi i firmosur nga prof. Andrea Crisanti, u botua gjithashtu në revistën prestigjoze shkencore "Natyre".

Sipas studimit, të infektuarit asimptomatikë ose ata paucizimptomatikë gjithashtu mund të kontribuojnë në transmetimin e Sars-CoV-2.

Në Itali, çështja e Vo 'Euganeo, në provincën e Padovës, e prekur rëndë nga pandemia, alarmoi transmetimin e mundshëm të virusit nga ata që nuk kishin ende simptoma. Një tjetër studim tregoi se midis 50 dhe 75% e njerëzve të testuar ishin pozitivë, por pa patur simptoma.

Disa ditë më parë OBSH kishte deklaruar se asimptomatikët nuk e përhapin infeksionit nga koronavirusi, por disa studime të mëparshme kanë treguar mundësinë e infektimit nga pacientë të cilët ende nuk kishin zhvilluar simptomat tipike të sëmundjes.

Duket se deklarata e OBSH-së ka lënë të hutuar shumë studiues, mes të cilëve edhe ata në Itali, të bindur për mundësinë e asimptomatikëve për të përhapur koronavirusin. "Asimptomatikët mund të transmetojnë virusin dhe shumë studime të kryera deri më tani e demonstrojnë këtë - tha Antonio Cassone, ish drejtor i Departamentit të Sëmundjeve Infektive të Institutit të Lartë të Shëndetit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03