Mediat greke kanë zbuluar detaje të reja për shqiptarin Aleksandër Luca dhe grekun Manolis Koukouras, të arrestuar për vrasjen e students Eleni Topaloudi. ANT1 bën me dije se 2 ditë para se të ndodhte vrasja e Topaloudit, ata çuan në një shtëpi private 2 vajza të mitura. Një prind që bindi vajzat të denonconin në Polici, tha se vajzat u hipën në një makinë të zezë dhe është tentuar që të përdhunohen.
“Dy të rinjtë i hipën vajzat me dhunë në një makinë të zezë dhe i urdhëruan të mos bënin lëvizje. Në mbrëmje u dhanë atyre për të konsumuar vodka, duke u thënë se do e pini për të përjetuar një mbrëmje të paharrueshme. Për fat të mirë, çuditërisht pasi bënë çfarë ata deshën i lanë të iknin. “-ka thënë njëri nga prindërit.
Aleksandër Luca, shqiptari 20-vjeçar i akuzuar për vrasjen e Eleni Topaloudi, është transferuar nga burgu i Gravenas në Ishullin e Rodosit, vend ku ndodhi edhe vrasja. 20-vjeçari së fundmi akuzohet edhe për abuzimin me një vajzë 19-vjeçare, e cila në masën 67% është me aftësi të kufizuara.
