Iu injektuan gabimisht 6 doza të vaksinës së koronavirusit, 23-vjeçarja italiane: Më dhemb gjithçka dhe kam frikë. Mjekët nuk e dinë çfarë pasojash mund të kem

Foto ilustruese

"Kam frikë dhe më dhemb krahu, mjekët nuk e dinë se çfarë pasojash mund të kem". Kështu është shprehur 23-vjeçarja në Itali, së cilës iu injektuan gabimisht 6 doza të vaksinës së COVID. Megjithatë ajo shprehet se e fal infermieren pasi të gjithë gabojnë, por shton se mund të padisë spitalin.

"Më dhemb gjithçka, më dhemb krahu, mjekët nuk më tregojnë se çfarë mund të më ndodhë. Jam shumë e lodhur dhe e stresuar, kam dhimbje të forta në vendin e injeksionit. Nuk do të bëj asnjë kallëzim penal, po është e qartë që nëse kam pasoja të rënda në të ardhmen, dikush duhet të përgjigjet në gjykatën civile. Toleranca është e vlefshme vetëm për infermieren, që bëri një gabim, por jo për strukturën, për spitalin që në asnjë rast nuk duhej të lejonte gjëra të tilla të ndodhnin", ka thënë ajo sipas "Tgcom".

LEXO EDHE:
Biletë për të hyrë në Venecia? Ja çfarë duhet të dini

E reja po qëndron në spital, në mënyrë që të jetë në monitorim të vazhdueshëm nga mjekët.

Lajmi kryesor:

Autoritetet italiane nisin hetimin pasi 23 vjeçares i injektohen 6 doza të vaksinës Pfizer

TAG:
• itali
• Koronavirus