Serbia mbrëmë nuk mundi të marrë më shumë së një barazim në udhëtim kundër Armenisë (1-1), mirëpo anëtari i Chelseas, kërkon nga skuadra e tij ta harrohet sa më shpejt ndeshja me Armeninë, dhe të fokusohen për ndeshjen e radhës kundër Shqipërisë.
Ivanoviç është i vetëdijshëm se Shqipëria është një skuadër e fortë, dhe ai fton tifozët serbe që të jenë në numër sa më të madh në duel me ekipin shqiptar.
“Nuk arritëm të përfitonim dhe u ndëshkuam nga një gol që erdhi pas një goditjeje standarde të kundërshtarit. Më pas gjithçka u bë edhe më e vështirë për ne, madje humbëm edhe disiplinën në fushë. Takimi me Shqipërinë është vetëm pas tre ditësh, kështu që duhet të jemi shumë të kujdesshëm për të rikuperuar pikët në grup”, ka thënë Ivanoviç.
“Pres një ndeshje shumë të vështirë me Shqipërinë, por edhe një stadium të mbushur plot e përplot. Për ne mbështetja e tifozëve do të jetë shumë e rëndësishme. Ne kemi besim se do të marrim maksimumin e pikëve, por duhet të jemi shumë të përqendruar”, tha ai.
Redaksia Online
(g.f/shqiptarja.com)