Izolohen 600 banorë, rrëshqitja e dherave bllokon rrugën e fshatit Probat në Elbasan! Bashkia dërgoi një fadromë për ta hapur por dëmtohet gjatë punës

Rrëshqitja e dheut rreth një javë më parë si pasojë e reshjeve të shiut, bëri që e vetmja rrugë që lidh fshatin Probat me Elbasanin të bllokohej, e për pasojë rreth 600 banorë të këtij fshati të mbesin të izoluar. Bashkia e Elbasanit dërgoi fadromën për të hapur rrugën, por sapo nisi punën, makineria u dëmtua.

Banorët thonë se nuk është hera e parë që përballen me këtë situatë, ndërsa në të gjitha rastet rruga është hapur nga vetë ata.

“Ajo dëmtohet vit për vit. Sivjet u dëmtua më shumë. Ka lëvizje sa herë kjo rrugë. Nuk ka asfalt. Furgonat deri këtu vijnë, dhe ndalojnë”, tha një banor.

“Shumë e vështirë është, por çfarë të bësh. Vështirësi e madhe”, tregoi një banore.

“Asnjëherë nuk është bërë. Projekti për rrugën u bë, por nuk u zbatua. Në prag të votimeve ka pasur pretendime. Kanë ngelur vetëm pleqtë. Shumë e vështirë”, përfundoi një tjetër.

Banorët kërkojnë ndërhyrje të menjëhershme pasi rruga për ta është jetike, por ende nuk ka informacion se kur do të nisë puna.

K.T./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Gjendet një trup i pajetë anës lumit në Fier, dyshohet se mund të jetë mbytur