Izrael, Ganz dhe Netanyahu kokë më kokë, Liberman, gjilpëra e balancës

Izrael, Ganz dhe Netanyahu kokë më kokë, Liberman, gjilpëra e balancës

Sipas mediave izraelite, ndërsa janë numëruar 92% e fletëve të votimeve, kryeministri izraelit Netanyahu dhe rivali i tij kanë siguruar nga 32 vende secili në Parlamentin me 120 vende

 Edhe si koalicione, blloku i krahut të djathtë ka siguruar 56 vende, po aq sa të majtët, kurse  partia e Lieberman 9 vende.

Për të formuar një qeveri stabile, partitë duhet të paktën të sigurojnë 61 vende dhe sipas shumë gjasave, duket se më i favorizuari për të bërë numrat është Gantz, i cili mund të ndihmohet nga 9 vendet e Lieberman.

Për momentin, Komisioni Qendror i Zgjedhjeve ka publikuar të dhënat përfundimtare vetëm për 35% të votave, sipas të cilave partia Likud e Netanyahu-t ka siguruar 28.09% dhe Blu-Bardhë e Gantz 26.63%.

Netanyahu: i gatshëm për negociata për të formuar një qeveri të fortë Sioniste

Kryeministri izraelit Benjamin Netanyahu, duke pritur rezultatet e zgjedhjeve, tha se ai ishte i gatshëm për negociatat për të formuar një "qeveri të fortë Sioniste".

"Në ditët në vijim, ne do të fillojmë negociatat për krijimin e një qeverie të fortë Sioniste dhe për të parandaluar një qeveri të rrezikshme antizioniste," u tha ai mbështetësve në një tubim pas-zgjedhor në Tel Aviv.

Gantz: Ne do të formojmë një qeveri të madhe uniteti, do të flas me të gjithë

Benny Gantz, sfiduesi kryesor i kryeministrit izraelit Benjamin Netanyahu në zgjedhjet e përgjithshme të vendit, ka bërë thirrje për një qeveri të gjerë uniteti ndërsa sondazhet e gjejnë atë kokë më kokë me kundërshtarin e tij.

"Ne do të veprojmë për të formuar një qeveri me bazë të gjerë që do të shprehë vullnetin e njerëzve," u tha Gantz mbështetësve në Tel Aviv. "Ne do t'i fillojmë negociatat - shtoi ai - dhe unë do të flas me të gjithë".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS