POP 5

Lajmet më të lexuara të 5 minutave të fundit

Bota

Izrael, ‘Hakmarrja arabe’ ndaj Netanyahut, Gantz kërkon koalicionin ‘mega’

Pjesëmarrja e lartë në votime duket se ka penalizuar kryeministrin Netanyahu dhe e ka larguar atë nga qeveria. Ish gjenerali Lieberman: Bashkimi kombëtar me Likud por pa kryeministër Netanyhaun

Izrael, ‘Hakmarrja arabe’ ndaj Netanyahut, Gantz kërkon koalicionin ‘mega’

Nëse në fund të betejës elektorale Benjamin Netanyahu është tashmë jashtë loje, i anashkaluar nga aleanca midis Benny Gantz dhe Avigdor Lieberman, mund të thuhet se kjo ishte një "hakmarrje arabe"

Pjesëmarrja e votuesve arabo-izraelitë, me 11 pikë përqindje më shumë, nga 49 në 60 përqind, ose më shumë se 150 mijë vota , duket se kanë qënë të duhurat për ti mohuar postin e kryeministrit Netanyahut.

Epërsia e formacionit politik ‘Blu dhe Bardhë’ e Gantz, 32-33 vende kundër 31-32 të Likud të Netanyahut duket një avantazh minimal por i mjaftueshëm për të kërkuar emërimin e një qeverie të re dhe ishte gjithashtu një katastrofë për Netanyahu, aq shumë sa që dje ai anuloi vizitën në Asamblenë e Përgjithshme të OKB në New York.

Pa patur më zyrën e kryeministrit, rreziku që Netanyahu të përfundojë në gjyq në tetor, i akuzuar përkorrupsion, është shumë i lartë.

Zgjidhjet në tryezë

Zgjidhja më e thjeshtë është një koalicion i madh midis ‘Blu dhe Bardhë’ dhe Likud, por me një kusht, Netanyahu duhet të dorëzojë Kryeministrinë.

Dje, i nxehur ai tha se ishte gati të ndërtonte një "qeveri të fortë Sioniste", d.m.th, pa aleatët tradicionalë fetarë dhe për këtë arsye me Gantz dhe mbase edhe Lieberman.

Të dy rivalët, megjithatë, vendosin si kusht që ai të mos jetë më kryeministër.

Gantz ishte më i kujdesshëm. Ai tha se Netanyahu ka humbur dhe e vetmja rrugë është një ekzekutiv i unitetit kombëtar, i udhëhequr prej tij.

Cilatdo të jenë zgjidhjet, spektri politik duket se ka ndryshuar dhe mund të jetë një pikë kthese historike.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça