Sekretari amerikan i Shtetit, Anthony Blinken po ndërmjeton për një armëpushim të mundshëm mes Izraelit dhe Hamasit në bisedimet që po zhvillohen në Arabinë Saudite. Hamasi është shprehur se Izraeli i është përgjigjur negativisht një mundësie të tille.
Ndërkohë në Rripin e Gazës vijojnë operacionet ushtarake të forcave izraelite dhe situata po bëhet gjithnjë e më dramatike. OKB-ja dhe Bashkimi Europian kanë ngritur alarmin për një zi buke të mundshme dhe kanë përsëritur se duhet vepruar pa humbur kohë.
‘Negociatata për të siguruar një armëpushim në Rripin e Gazës, të lidhura me lirimin e pengjeve të mbajtura nga Hamasi, po i afrohen një marrëveshjeje’, tha Sekretari Blinken.
Ai shtoi se hendeku po mbyllet dhe një marëveshje është absolutisht e mundshme, në një intervistë për Al Hadath në Jeddah në Arabinë Saudite.
Ndërkohë forcat izraelitë të mbrojtjes (IDF), thonë se kanë sekuestruar para në vlerë prej 3 milionë dollarësh në spitalin al Shifa në Gaza, para me sa duket të destinuara për përdorim nga Hamasi dhe grupe të tjera terroriste.
Më tej ata thonë se rreth 300 terroristë të dyshuar u kapën, përfshirë edhe komandantë të lartë të Hamasit dhe Xhihadit Islamik Palestinez.
Shtetet e Bashkuara kanë paraqitur një projekt-rezolutë në Këshillin e Sigurimit në OKB, ku bëhet thirrje për një armëpushim të menjëhershëm dhe lirimin e pengjeve në Gaza.
Ka qenë sekretari Blinken që ka bërë të ditur diçka të tillë për mediat në Arabinë Saudite ku po zhvillohen bisedimet për ndalim të luftës mes Izraelit dhe Hamasit.
Projekt-rezoluta amerikane pritet të votohet brenda kësaj jave në Këshillimin e Sigurisë në OKB. Këshilli i Sigurimit do të përcaktojë një armëpushim të menjëhershëm dhe të qëndrueshëm, e cila është e domosdoshme për mbrojtjen e civilëve nga të gjitha anët, si dhe për të lehtësuar ndihmën humanitare.
Armëpushimi do të detyrojë edhe lirimin e menjëhershëm të pengjeve të Hamasit. Kjo është hera e parë që SHBA përdor një gjuhët të fortë që nga fillimi i luftës më 7 tetor 2023, në lidhje me konfliktin Izrael-Palestinë.
Lajme të tjera
-
Netanyahu: Trupat izraelite do të kontrollojnë një zonë neutrale brenda Sirisë për një periudhë të pacaktuar
17 Dhjetor, 21:29 -
Reuters: Netanyahu drejt Kairos për armëpushimin në Gaza
17 Dhjetor, 17:20 -
VIDEO/ Bomba izraelite në Siri shkakton tërmet
16 Dhjetor, 16:06 -
Berisha i sulmon të gjithë: Blinken grusht shteti ndaj opozitës me Dumanin, Soros monstër, Lu dhe Vlahutin ushtarë të tij! Unë me një apartament, kreu i SKAP ka tre
16 Dhjetor, 13:02 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
Izraeli bombardon në Gaza, 20 të vdekur në shkollën e Khan Younis, mes tyre fëmijë! Vritet dhe kameramani i ‘Al Jazeera’, IDF: Ishte anëtar i Xhihadit Islamik
16 Dhjetor, 08:21 -
Izraeli njofton se do të mbyllë ambasadën në Irlandë, shkak qëndrimet e Dublinit për Gazën
15 Dhjetor, 20:42 -
Qeveria izraelite miraton plan për zgjerimin e vendbanimeve në Lartësitë Golan
15 Dhjetor, 19:43 -
Pse Izraeli pushtoi malin më të lartë të Sirisë vetëm disa orë pas rënies së Bashar al-Assadit?
15 Dhjetor, 13:04 -
Blinken: SHBA ka pasur kontakte direkte me grupin HTS që përmbysi Assadin
14 Dhjetor, 21:25 -
Kore e Jugut/ Blinken: Përmbysja e Yun tregon qëndrueshmëri demokratike në vend
14 Dhjetor, 19:11 -
Shtëpia e Bardhë publikon strategjinë për luftim të urrejtjes kundër myslimanëve dhe arabëve
13 Dhjetor, 10:10
