POP 5

Lajmet më të lexuara të 5 minutave të fundit

Bota

Izraeli do të ndërtojë edhe dy vendbanime në Rrafshnaltën e Golanit

Izraeli planifikon të zgjerojë praninë civile në Rrafshnaltën e Golanit, të aneksuar në vitin 1981 por që nuk njihet ndërkombëtarisht.

Izraeli do të ndërtojë edhe dy vendbanime në Rrafshnaltën e Golanit

Kufiri mes Izraelit dhe Sirisë në Rrafshnaltën e Golanit

Izraeli planifikon të zgjerojë praninë civile në Rrafshnaltën e Golanit, të aneksuar në vitin 1981 por që nuk njihet ndërkombëtarisht.

“Pas disa vjetëve statike sa i përket jetës në komunitet, qëllimi ynë është të dyfishojmë popullsinë në Rrafshnaltën e Golanit”, tha kryeministrit izraelit Naftali Bennett më 26 dhjetor.

Dy vendbanimet e reja që Izraeli planifikon t’i ndërtojë tashmë morën emrat Asif dhe Matar derisa në këto zona do të investohen rreth 310 milionë dollarë.

Bennett tha gjatë takimit të ministrive të kabinetit të tij që Rrafshnalta e Golanit do të duhej të bëhej kapital teknologjik i energjisë së ripërtëritshme në Izrael.

Izraeli pushtoi Rrafshnaltën e Golanit, në vitin 1967 dhe e aneksoi në vitin 1981 ndonëse sipas të drejtës ndërkombëtare konsiderohet si territor sirian i okupuar nga Izraeli.

Gjatë kohës sa qëndroi në Shtëpinë e Bardhë, ish-presidenti amerikan, Donald Trump formalisht e njohu sovranitetin e Izraelit ndaj kësaj zone.

Sekretari amerikan i Shtetit, Mike Pompeo.

 “Pas 10 vjetësh të luftës së tmerrshme civile në Siri, secili person i arsyeshëm do të kuptojë që më e preferuar do të ishte që Rrafshnalta e Golanit të mbetet zonë e qetë e gjelbër kundrejt alternativës tjetër”, tha Bennet.

Ai shtoi se Rrafshnalta e Golanit është e Izraelit. Në këtë zonë jetojnë rreth 50 mijë njerëz me vetëm pak më shumë se gjysmën, hebrenj./ REL

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

27 Janar, 08:43