Izraeli ende pa koalicion për të qeverisur, Partitë politike arabe mbështesin ish-shefin e ushtrisë Benny Gantz

Izraeli ende pa koalicion për të qeverisur, Partitë politike arabe mbështesin  ish-shefin e ushtrisë Benny Gantz

Partitë politike arabe në Izrael njoftuan se po mbështesin ish-shefin e ushtrisë Benny Gantz për postin e kryeministrit të ardhshëm të vendit, duke ndryshuar një qëndrim dhjetëravjeçar të tyre.

“Lista e Përbashkët Arabe” e bëri njoftimin pothuajse në të njëjtën kohë me publikimin e një opinioni publik në gazetën “C” nga udhëheqësi i aleancës Ayman Odeh, ku flitet për veprimin.

Kjo është hera e parë që nga viti 1992 që partitë me shumicë arabe kanë shprehur mbështetje për një kandidat për postin e kryeministrit.

 Ayman Odeh i tha më pas Presidentit Reuven Rivlin se synimi i aleancës ishte largimi i Kryeministrit Benjamin Netanyahu nga pushteti, dhe për këtë arsye po shprehete mbështetje për zotin Gantz.

Komentet erdhën ndërsa presidenti izraelit u konsultua me partitë politike se kush duhet të formojë qeverinë e ardhshme pas zgjedhjeve pa fitues të së martës.

Aleanca e partive me shumicë arabe ka fituar 13 vende në zgjedhjet e përgjithshme, duke u bërë forca e tretë në parlamentin me 120 vende. Një parti brenda aleancës, e cila ka marrë 3 vende, dha sinjale se ishte kundër vendimit.

Pavarësisht mbështetjes nga aleanca, zoti Ganz nuk i ka numrat e mjaftueshëm prej 61 vendesh për të formuar një qeveri të shumicës.

Sipas parashikimeve,  Ganz mund të sigurojë 57 vende gjatë konsultimeve me Presidentin Rivlin ndërsa Netanyahu pritet të ketë 55 vende. Presidenti ka thënë se beson se një qeveri uniteti duhet të përfshijë partitë e  Netanyahu dhe  Gantz për të krijuar një koalicion të qëndrueshëm.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS