POP 5

Lajmet më të lexuara të 5 minutave të fundit

Bota

Izraeli në luftë, djali i Netanyahut në Miami! Ushtarët izraelitë të revoltuar: Ai shijon jetën, ne në vijën e parë

Djali 32-vjeçar i kryeministrit izraelit Benjamin Netanyahu, i cili që prej fillimit të luftës vazhdon jetën e tij të qetë në Miami është vënë në “shënjestër” nga ushtarët izraelitë, të cilët kritikuan kreun e shtetit hebre dhe i kërkuan llogari për mungesën e të birit, në mesin e mijëra rezervistëve të cilët prej më shumë se 10 ditësh qëndrojnë në vijën e parë të frontit. 

Izraeli në luftë, djali i Netanyahut në Miami! Ushtarët izraelitë të revoltuar: Ai shijon jetën, ne në vijën e parë

Yair dhe Benjamin Netanyahu

Ndërsa lufta Izrael-Hamas vazhdon, kombi hebre ka thirrur mijëra rezervistë për të marrë armët dhe për të mbrojtur atdheun e tyre.

Deri më tani në vend kanë mbërritur rreth 360 mijë rezervistë. Megjithatë, në mes të këtij mobilizimi masiv, disa ushtarë i kanë bërë Benjamin Netanyahut pyetjen: Ku është djali juaj zoti kryeministër?

Sipas mediave, 32-vjeçari Yair Netanyahu ndodhet në Florida që nga prilli dhe nuk ka arritur të paraqitet për të mbështetur kombin e tij, për acarimin e disa prej trupave.

“Yair po shijon jetën e tij në plazhin e Miami, ndërsa unë jam në vijën e parë”, tha një ushtar vullnetar që shërben në frontin verior të Izraelit.

“Jemi ne që po lëmë punën tonë, familjet tona, fëmijët tanë, për të mbrojtur familjet tona në shtëpi dhe vendin, jo njerëzit që janë përgjegjës për këtë situatë,” tha ai.

“Vëllezërit tanë, baballarët, djemtë tanë, të gjithë po shkojnë në vijën e parë, por Yair nuk është ende këtu. Nuk ndihmon në ndërtimin e besimit në udhëheqjen e vendit,” vazhdoi ai.

Një tjetër rezervist, i cili ishte kthyer në Izrael nga SHBA, duke lënë punën dhe familjen e tij atje, gjithashtu i bëri jehonë të njëjtit shqetësim.

“Nuk ka asnjë mënyrë që të qëndroj atje dhe të braktis vendin tim, popullin tim, në këtë kohë kritike. Ku është djali i kryeministrit? Pse nuk është në Izrael? Është momenti më bashkues për ne si izraelitë në historinë tonë të fundit dhe secili prej nesh duhet të jetë këtu tani, përfshirë djalin e kryeministrit”, tha ai.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bim: 25/10/2023 10:10

    Nazista tesh 80 vjet

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nesër zhvillohet takimi i 4 vjetor i Këshillit Koordinues të Diasporës

Nesër zhvillohet takimi i 4 vjetor i Këshillit Koordinues të Diasporës

18 Dhjetor, 19:59