Ushtria izraelite ka nisur një operacion në Bregun Perëndimor, të banuar nga popullsia palestineze, sipas saj me qëllim spastrimin e zonës nga terroristët. Deri më tani raportohet për 10 palestinezë në vrarë në territorin palestinez, ndërsa aksioni i izraelitëve vazhdon ende.
Ministri i Jashtëm izraelit, Katz tha se Bregu Perëndimor duhet të filtrohet nga terroristët njëlloj siç po ndodh në Rripin e Gazës. Sipas tij, Irani po punon për ngritjen e strukturave terroriste në Bregun Perëndimor.
"Ushtria izraelite po punon intensivisht në kampet e refugjatëve Jenin dhe Tulkarm për të penguar infrastrukturat terroriste islamike-iraniane që janë krijuar atje. Irani po punon për të krijuar një front terrorist lindor kundër Izraelit në Bregun Perëndimor, sipas modelit të Gazës dhe Libanit , duke financuar dhe armatosur terroristët dhe duke kontrabanduar armë të avancuara nga Jordania. Ne duhet të përballemi me kërcënimin. Kjo është një luftë për gjithçka dhe ne duhet ta fitojmë atë", tha Israel Katz, ministri i Jashtëm i Izraelit.
Ndërkohë, mediat raportuan se ushtria izrelite ka goditur makinën e OKB-së në Gaza. Për rrjedhojë, Programi Botëror i Ushqimit (WFP) ka pezulluar përkohësisht lëvizjet në Rripin e Gazës pasi mjeti i tyre nga të paktën 10 plumba teksa iu afrua një postblloku izraelit. Sipas zëdhënësit të sekretarit të përgjithshëm të OKB-së, Stéphane Dujarric, ngjarja ka ndodhur mbrëmjen e së hënës.
“Fatmirësisht punonjësit tanë që ndodheshin në automjet nuk janë lënduar”, tha zëdhënësi i sekretarit të përgjithshëm të OKB-së, Stéphane Dujarric, duke nënvizuar se plumbat kanë goditur xhamat e veturës.
Për shkak të sulmeve intensive të Izraelit, presidenti i Autoritetit Kombëtar Palestinez, Abu Mazen, vendosi të shkurtojë vizitën e tij në Arabinë Saudite dhe të kthehet në Bregun Perëndimor. Për më tepër, pamje të frikshme janë bërë publike, kur një raketë e ushtrisë izraelite godet një pallat në Gaza dhe e hedh në erë, duke e rrafshuar tërësisht dhe kthyer në një grumbull inertesh.
Nga ana tjetër, presidenti ukrainas Volodymyr Zelensky pati një telefonatë me kryeministrin izraelit Benjamin Netanyahu për të diskutuar situatën në rajonin e Lindjes së Mesme. Këtë e tha në një postim në Facebook, zëdhënësi i presidentit ukrainas, Sergii Nykyforov. Netanyahu shprehu mbështetjen për sovranitetin dhe integritetin territorial të Ukrainës dhe Zelensky falënderoi Izraelin për pjesëmarrjen në Samitin e Paqes dhe mbështetjen për Ukrainën.
Shtetet e Bashkuara njoftuan për sanksione të reja ndaj kolonëve hebrenj në Bregun e pushtuar Perëndimor për shkak të dhunës ndaj palestinezëve, teksa Uashingtoni i bëri thirrje aleatit të tij, Izraelit, që të bëjë më shumë përpjekje që përgjegjësit për dhunën të përballen me drejtësinë.
Sanksionet u bënë publike në të njëjtën dikur kur Izraeli nisi një sulm në shkallë të gjerë në Bregun Perëndimor, ku u vranë të paktën nëntë luftëtarë palestinezë, pavarësisht se administrata e presidentit amerikan, Joe Biden, e ka paralajmëruar Izraelin që të mos e zgjerojë luftën që ka nisur në tetor në Gazë.
“Dhuna e kolonëve ekstremistë në Bregun Perëndimor shkakton dhimbje të madhe njerëzore, dëmton sigurinë e Izraelit dhe minon mundësitë e paqes dhe stabilitetit në rajon”, tha zëdhënësi i Departamentit amerikan të Shtetit, Matthew Miller, përmes një deklarate.
“Është kritike që Qeveria e Izraelit të mbajë përgjegjës çdo individë apo entitet që është përgjegjës për dhunën ndaj civilëve në Bregun Perëndimor”, shtoi ai.
Në listën e sanksioneve është përfshirë, Hashomer Yosh, një grup izraelit që mbështet vendbanime të paautorizuara të hebrenjve në Bregun Perëndimor.
Vullnetarët nga ky grup më herët gjatë këtij viti detyruan 250 palestinezë, banorë të një fshati në Bregun Perëndimor, që të largohen me forcë nga pronat e tyre, tha DASH-i.
Komente
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Human Rights Watch akuzon Izraelin: Ka bërë gjenocid në Gaza! Ndërpreu ujin për popullsinë qëllimisht
20 Dhjetor, 12:33
-
Lufta/ Izraeli bombardon 2 shkolla në Gaza, të paktën 15 të vdekur! IDF: Shërbenin si qendra komandimi të Hamas
20 Dhjetor, 08:37
Me pak fjal e treguan veten qfar jan.
Përgjigju